Dhimbja kronike pelvike është një dhimbje e brendshme e lokalizuar poshtë kërthizës që zgjatë 6 muaj ose më shumë. Shpeshherë kjo dhimbje shkaktohet nga probleme në organet seksuale. Ndonjëherë dhimbja pelvike kronike lidhet me problemet intestine ose të fshikëzës.
Dr. Göksu Göc
Obstetër- Gjinekolog
Spitali Amerikan
038 221 661 / 049 513 513
www.spitaliamerikan.com/facebook
Çfarë e shkaktojnë dhimbjen kronike pelvike?
Dhimbja kronike pelvike mund të shkaktohet nga probleme të ndryshme shëndetësore duke përfshirë:
-Endometriozis
Kjo është një gjendje ku qelizat që duhet të ekzistojnë vetëm në uterus fillojnë dhe rriten dhe jashtë uterusit. Femrat që kanë endometriozis zakonisht kanë shumë dhimbje gjatë menstruacioneve. Dhe gjithashtu këto femra ndonjëherë kanë probleme për të mbetur shtatzënë.
-Sëmundja inflamatore e pelvikut (PID)
PID shpeshherë shkaktohet nga një infeksion që mund të kalojë me anë të seksit. Disa femra kanë dhimbje që mund të zgjasin për një kohë të gjatë edhe pas terapisë. Dhe, gjithashtu këto femra ndonjëherë kanë probleme për të mbetur shtatzënë.
-Sindroma e intestineve irritative IBS
Kjo është një gjendje ku ndikohen intestinet (zorrët) dhe shkakton dhimbje dhe problem me lëvizjet e zorrëve. Femrat me këtë sindromë zakonisht kanë dhe simptoma si konstipacion, diarre ose te dyja bashkë.
-Sindroma e fshikëzës së dhimbshme interstitialis cystitis
Kjo sindromë shkakton dhimbje kur fshikëza e urinës është e mbushur. Femrat me këtë sindromë, zakonisht ndihen mirë kur fshikëza e urinës zbrazet, për këtë arsye ato shkojnë në tualet shpesh.
-Dhimbja e tabanit pelvik
Dhimbja e tabanik pelvik shkaktohet nga muskujt e zonës së pelvikut në raste kur bëhen të ndjeshëm dhe të fortë (të kontraktuar.)
-Fibromjalgjia
Kjo është një sëmundje që kapë pjesë të ndryshme të trupit, jo vetëm pjesën pelvike.
A ka teste që duhet ti bëj?
Nëqoftëse keni dhimbje kronike pelvike ju do të keni një ekzaminim të rregullt pelvik nga doktori juaj. Doktori juaj do t’ju rekomandojë disa analiza gjaku ose urine. Dhe sipas gjendjes suaj mund të nevojitet të bëni;
Ultrazë pelvik
Ky është një test imazherik i organeve pelvike. Me ultrazë doktori mund të diagnostikoj cistet ovariale ose pelvike. Masa jo normale të rritura në pelvik dhe probleme tjera.
Laparaskopi
Kjo është një procedurë e kryer në sallë operative. Doktori me anë të një insizioni prerje të vogël në kërthizë futet me laparoskop (kamera) në abdomen dhe vëzhgon për të gjetur një shkak të dhimbjes pelvike.
Terapia
Dhimbja kronike pelvike zakonisht trajtohet nga gjinekologu me medikamente. Gjithsesi në disa raste kur nevojitet mënyra e trajtimit të dhimbjes kronike pelvike, mund të jetë dhe operacioni.
Terapia medikale
Një nga menaxhimet e dhimbjes kronike pelvike janë medikamentet e vazhdueshme për çrregullimet më të shpeshta që shkaktojnë këto dhimbje. Si p.sh endometrioza është shkaku kryesorë gjinekologjik i dhimbjes kronike pelvike dhe mund të provohen disa medikamente derisa simptomat të përmirësohen. Sidoqoftë duhet pasur parasysh që përmirësimi i simptomave me medikamente nuk konfirmon absolut diagnozën përderisa terapia shpeshherë nuk është specifike. Si p.sh terapia hormonale e endometriozës në të njëjtën kohë përmirëson simptomat të shkaktuara nga sindroma kongjestive pelvike, sindroma e zorrëve irritative ose cistit interstitial sindroma e fshikëzës së dhimbshme.
Një mënyrë tjetër e menaxhimit është të bësh shumë teste diagnostike derisa të arrihet në shkakun specifik të dhimbjes. Gjithsesi terapia me medikamente specifike për këto simptoma mund të jetë rruga më ideale për të menaxhuar dhimbjet pelvike kronike sepse po të zgjedhësh rrugën e diagnostikimit kërkon shumë koste laboratorike dhe imazherike dhe ndoshta shpeshherë për të pasur një diagnozë të saktë mund të nevojitet dhe kirurgji eksplorative.
Nje opsion i tretë është direkt trajtimi i dhimbjes sesa fokusimi në diagnozën specifike. Medikamentet më të përdorura janë ilaçet nonsteroidal antiinflamatuare, antidepresanët dhe antikonvulzivet.
Terapia fizike
Terapia fizike e tabanit pelvik është zakonisht e dobishme te femrat me dhimbje të tabanit pelvik ose dhimbjes mjofasiale abdominale. Qëllimi i kësaj terapie është të relaksojë shtrëngimet, kontraktimet në këto muskuj në mënyrë manuale. Terapia është e lokalizuar direkt në muskujt e abdomenit, vagjinës, legenit, kofshëve dhe muskujt e prapmë.
Klinikat që menaxhojnë dhimbjen
Nëqoftëse medikamentet nuk janë efektive në trajtimin e dhimbjeve, pacientja mund të referohet në klinikat specifike për trajtimin e dhimbjeve. Disa nga mënyrat e trajtimit të dhimbjeve janë;
1- Akupunktura
2- Terapia ‘biofeedback’ dhe relaksuese
3- Mjete stimuluese nervore
4- Injektime të anestetikut lokal në lokalizime ku ndodhen
5- Kontraktimet muskulore
Terapia kirurgjikale
Disa nga pacientet si p.sh ato që kanë endometriozis përfitojnë nga terapia kirurgjikale duke i larguar lezionet e endometriozes.
Histerektomia mund të lehtësojë dhimbjen kronike pelvike sidomos kur shkaktohet nga adenomjozis ose fibriodet mjoma uteri.
Gjithsesi edhe pas histerektomisë dhimbjet mund të vazhdojnë veçanërisht te pacientet e reja dhe te pacientet që kanë një histori të sëmundjes inflamatuare pelvike kronike ose disfunksion i tabanit pelvik. Histerektomia nuk është një zgjidhje e drejtë për ato që nuk kanë fëmijë dhe dëshirojnë një shtatzëni.
Kirurgjia neurektomia presakrale (prerja e disa nervave), gjithashtu është një lloj terapie për dhimbjet pelvike kronike. Kjo lloj kirurgjie aplikohet vetëm në raste të rënda të dhimbjeve pelvike kronike që mund të shkaktojë p.sh endometriozis. /Telegrafi/
Promo
Reklamo këtuLufta Prigozhin - Putin
Më shumë![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Santiana Maloku dhe Lirimi i japin fund lidhjes së tyre?](https://telegrafi.com/wp-content/uploads/2024/09/santi-780x439.jpg)
Santiana Maloku dhe Lirimi i japin fund lidhjes së tyre?
![Persona të maskuar shihen në pjesën serbe të pikëkalimit kufitar në Bërnjak](https://telegrafi.com/wp-content/uploads/2024/09/Screenshot_6-8-780x439.jpg)
Persona të maskuar shihen në pjesën serbe të pikëkalimit kufitar në Bërnjak
![Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste](https://telegrafi.com/wp-content/uploads/2024/01/Xhelal-Svecla-konference-foto-Ridvan-Slivova-2-e1715268559295-780x439.jpg)
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
![Trajneri i Rumanisë tregohet një profesionist i vërtetë kur flet për lojën e Kosovës](https://telegrafi.com/wp-content/uploads/2024/09/lucescu-780x439.png)
Trajneri i Rumanisë tregohet një profesionist i vërtetë kur flet për lojën e Kosovës
![Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani](https://telegrafi.com/wp-content/uploads/2024/09/96121725651982-780x439.jpg)
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
![Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë](https://telegrafi.com/wp-content/uploads/2023/07/Donika-Gervalla-Schwarz-konference-foto-Ridvan-Slivova-4-780x439.jpg)
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë