Disa fëmijë e marrin natyrshëm procesin e arsimimit formal. Të tjerët, jo aq shumë.
Sjelljet e këqija dhe mësuesit e dobët shpesh e kanë fajin, por sipas një studimi të ri realiteti është se motivimi skolastik është më shumë një çështje e gjenetikës.
Hulumtuesit në Universitetin Shtetëror të Ohios thonë se gjenet janë së paku 40 deri 50 për qind përgjegjëse për motivimin e fëmijës për të mësuar. Nëse një nxënës i shkollës së mesme ngec prapa, kjo thjesht mund të jetë nga trashëgimia gjenetike e prindërve të nxënësit.
Shkencëtarët arritën në përfundimin e tyre pas studimit të dallimeve motivuese midis 13.000 binjakëve nga gjashtë vende të ndryshme.
Një analizë komplekse e të dhënave nga anketat e mëdha e cila u kërkoi fëmijëve që ta vlerësojnë interesin dhe besimin e tyre për lëndë të ndryshme mësimi dhe lëndë që kanë lidhje me shkollën, ua mundësoi hulumtuesve ta krahasojnë ngjashmërinë e përgjigjeve midis binjakeve identikë, të cilët i ndajnë të gjitha gjenet e tyre, dhe binjakët të cilët e ndajnë vetëm rreth gjysmën. Përgjigjet e dhëna nga binjakët identikë u përputhën më ngushtë, duke sugjeruar se gjenetika ndikon në motivimin.
Si gjenetika ashtu edhe mjedisi jo i përbashkët i binjakëve – ekspozimi ndaj stileve të ndryshme prindërore ose mësimdhënëse, për shembull – ishin dy faktorët më përcaktues.
“Reagimi i menjëhershëm dhe i pamenduar është të thuhet se dikush nuk po i motivon si duhet nxënësit, ose që vetë fëmija është përgjegjës”, tha në një deklaratë për shtyp studiuesi kryesor Stephen Petrill, psikolog në Universitetin shtetëror të Ohios.
“Ne kemi zbuluar se ka dallim të personalitetit të cilin njerëzit e trashëgojnë dhe i cili e ka një ndikim të madh në motivimin”, shpjegoi Petrill. “Kjo nuk do të thotë se ne nuk përpiqemi t’i inkurajojmë dhe frymëzojmë studentët, por duhet të merremi me realitetin se pse ata janë të ndryshëm.”
Sipas hulumtimit, faktorët e përbashkët mjedisorë, si marrëdhëniet prindërore, llogariten të jenë vetëm 3 për qind të variablave të personalitetit.
“Shumica e variablave të personalitetit e kanë një komponentë gjenetike, por të mos kesh komponentë të papërbashkët mjedisore është e papritur”, tha Petrill. “Por kjo ishte konsistente në të gjitha gjashtë vendet”.
Hulumtimi është publikuar në “Peronality and Individual Differences”. /Telegrafi/
Promo
Reklamo këtuLufta Prigozhin - Putin
Më shumëTest i inteligjencës me tetë pyetje, të cilat vetëm më të mençurit i dinë
Një kryqëzim i rrugëve që mundon shumë shoferë. Shikoni mirë, kush ka përparësi kalimi?
Një enigmë matematikore me dy zgjidhje? Provoni të arrini përgjigjen përfundimtare
Orgazma femërore nga kënaqësia, në ngazëllim
Nëse semaforët nuk funksionojnë, kush ka përparësi në kryqëzim? Vetëm shoferët më të mirë do ta dinë përgjigjen menjëherë
Pika G shkon në harresë: Meshkuj, ky është vendi që duhet t'ia kushtoni vëmendjen!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe