Frutat dhe perimet mund ta ulin rrezikun e goditjes në tru në mbarë botën
Ngrënia e më shumë frutave dhe perimeve mund ta zvogëlojë rrezikun e goditjes në tru në mbarë botën, sipas një studimi të ri në revistën e Shoqatës Amerikane të Zemrës, “Stroke”.
Hulumtuesit kryen një meta-analizë të 20 studimeve të publikuara gjatë 19 viteve të fundit për t’i vlerësuar efektet e konsumit të frutave dhe perimeve në rrezikun nga sulmet në nivel global, transmeton Koha.net. Studimet e kombinuara përfshinë 760.629 meshkuj dhe femra të cilët kishin pësuar 16.981 sulme.
Rreziku nga sulmi ishte reduktuar për 32 për qind me çdo 200 gramë të frutave të konsumuara çdo ditë dhe 11 për qind me çdo 200 gramë të perimeve të konsumuara çdo ditë.
"Përmirësimi i dietës dhe i mënyrës së jetesës është kritik për zemrën dhe reduktimin e rrezikut të sulmit në tru në popullatën e përgjithshme", tha dr. Yan Qu, autor i lartë i studimit, drejtor i njësisë së kujdesit intensiv në Spitalin Komunal të Qingdaos dhe profesor në Kolegjin e Mjekësisë të Universitetit të Qingdaos në Qingdao të Kinës. "Në veçanti, dieta e pasur me fruta dhe perime është shumë e rekomanduar për shkak se ajo i plotëson kërkesat mikroushqyese dhe makroushqyese dhe kërkesat e fibrave pa i shtuar ndjeshëm kërkesat e përgjithshme të energjisë".
Makroushqyesit (karbohidratet, proteinat dhe yndyrat) sigurojnë kalori ose energji. Trupat tanë kanë nevojë për sasi të vogla të mikroushqyesve si vitaminat dhe mineralet.
Studiuesi citoi studimet që demonstrojnë se konsumi i lartë i frutave dhe i perimeve mund ta ulë presionin e gjakut dhe ta përmirësojë funksionin mikrovaskular. Ai ka efekte të favorshme në indeksin e masës trupore, perimetrit të belit, kolesterinës, inflamacionit dhe stresit oksidativ.
Efektet e dobishme të frutave dhe perimeve u aplikuan në mënyrë të vazhdueshme te meshkujt dhe femrat, në rezultatet e sulmeve dhe sipas llojit të sulmit (të shkaktuara nga mpiksja e gjakut apo gjakrrjedhja). Hulumtuesit nuk gjetën asnjë ndryshim të rëndësishëm në efektin e moshës (më të rinj apo të vjetër se 55 vjeç).
Hulumtuesit i përshtatën gjetjet e studimit për faktorët si pirja e duhanit, alkooli, presioni i gjakut, kolesterina, aktivitetit fizik, indeksi i masës trupore dhe variablat e tjera dietike.
Hulumtuesit i kombinuan rezultatet e gjashtë studimeve nga Shtetet e Bashkuara, tetë nga Evropa dhe gjashtë nga Azia (Kina dhe Japonia). Ata vërejtën se konsumi i ulët i frutave dhe perimeve është i përhapur në mbarë botën, dhe sidomos në vendet me të ardhura të ulëta dhe mesatare.
Rritja e konsumit të frutave dhe perimeve deri në 600 gramë në ditë mund ta zvogëlojë barrën e sulmeve iskemike me 19 për qind në nivel global, sipas Organizatës Botërore të Shëndetësisë.
Në Kinë, sulmi në tru është shkaku kryesor i vdekjes, me rreth 1.7 milionë njerëz të vdekur në vitin 2010, transmeton Koha.net. Në Shtetet e Bashkuara, sulmi në tru është shkaku i katërt i vdekjes dhe shkaku kryesor i paaftësisë.
Shoqata Amerikane e Zemrës këshillon që një i rritur mesatar të konsumojë 4-5 racione të frutave dhe perimeve çdo ditë, bazuar në një dietë me 2000 kalori. Një dietë e pasur me një larmi të ngjyrave dhe llojeve të perimeve dhe frutave është një mënyrë për t’i marrë ushqyesit e rëndësishëm të cilat shumica e njerëzve nuk i marrin në sasi të mjaftueshme, duke përfshirë vitaminat, mineralet, dhe fibrat dietetike. Ato kanë gjithashtu në mënyrë të natyrshme më pak yndyra të ngopura. /Telegrafi/
Promo
Reklamo këtuLufta Prigozhin - Putin
Më shumë104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp