Shkencëtarët transformojnë qelizat e kancerit të pankreasit në qeliza normale!
Rezultatet e një studimi të ri sugjerojnë që qelizat tumorale të adenokarcinomës së pankreasit mund të “detyrohen” të shndërrohen në qeliza normale.
Adenokarcinoma infiltrative duktale e pankreasit, që më së shumti i referohemi si “kanceri i pankreasit” renditet e katërta në kuadër të vdekjeve që shkaktohen nga sëmundjet tumorale në SHBA.
Mbijetesa 5 vjeçare është minimale, më pak se 5%.
80% e rasteve më këtë sëmundje i përkasin grupmoshave midis 60 dhe 80 vjeç, prandaj konsiderohet si sëmundje e moshave të mëdha.
Shenjat klinike të kësaj sëmundjeje përfshijnë: ikter obstruktiv, nëse kanceri është i pozicionuar në kokën e pankreasit; diskomfort abdominal; humbje në peshë; letargji; kruarje.
Grupi i shkencëtareve detyroi qelizat tumorale të prodhonin më shumë së normalisht një proteine të quajtur E47. Funksioni kryesor i kësaj proteine është të lidhet në një pozicion specifik gjatë sekuencës së ADN-së e në këtë mënyrë të kontrollojë gjenet që janë përgjegjëse për ndarjen dhe diferencimin qelizor. Sasia e shtuar e proteinës E47 bënte që qelizat të qëndronin më gjatë, “ngecnin”, gjatë fazës G0/G1 e për pasojë këto qeliza diferencoheshin në fenotipin e tyre normal.
Studimet in-vivo provuan që kur këto qeliza të ri-programuara gjenetikisht u injektuan tek minjtë kishin potencial shumë të reduktuar neoplazik.
Dy janë karakteristikat kryesore të kancerit të pankreasit:
▪ Është shumë invaziv, edhe në stadet e para mund të infiltrojë indet peripankreatike.
▪ Nxit një reaksion shumë të zhvilluar indor me pjesëmarrje kryesore të fibroblaseve dhe qelizave të tjera.
Këto karakteristika janë arsyeja kryesore pse ky lloj tumori ka një prognozë aq të keqe.
Agjentët citotoksik janë trajtimi kryesor që marrin pacientet e diagnostikuar me adenokarcinomë të pankreasit. Ky lloj medikamenti funksion mirë në qelizat që kanë indeks proliferativ të lartë, pasi ndërhyn pikërisht në procesin e ndarjes qelizore. Problem kryesor me agjentët citotoksik është se dëmton edhe qelizat normale të trupit, kryesisht vepron mbi palcën e kockave duke frenuar aktivitetin normal të saj.
Hulumtuesit shpresojnë që ky zbulim mund të hedhë dritë mbi terapi të reja për këtë sëmundje shumë të rrezikshme. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë