Tetë këshilla për të patur një frymë të freskët

Fryma juaj nuk është gjithmonë e freskët. Ndodh që fryma me aromë jo të këndshme të na prekë në momentin më të papërshtatshëm, në një darkë e rëndësishme, intervistë pune, takim romantik etj. Ky është një problem që kërkon rëndësinë e vet mbasi njerëzit nuk preferojnë të qëndrojnë afër dikujt që ka një problem të tillë.

Ja këshillat që mund të ndiqni:

Higjiena orale
Edhe pse mund të duket paksa banale, ky rregull duhet të ndiqet me rigorozitet. Larja e gojës mbas çdo vakti është e rëndësishme si për të shmangur aromën e pakëndshme, por edhe për tu kujdesur për shëndetin e dhëmbëve. Nëse ‘goditeni’ papritur, provoni të përdorni një spërkatës frekues me efekt antibakterial.

Tharja e gojës
Kur goja nuk është e hidratuar sa duhet, fryma mund të bëhet e rëndë dhe e pakëndshme. Përpiquni të pini sa më shumë ujë gjatë ditës për ta evituar atë.

Mos lini asnjë vakt
Edhe pse dieta mund të mos ju duket e lidhur me freskinë e gojës, në fakt nëse ju lini një vakt pa konsumuar, stomaku fillon të punojë duke qenë bosh. Kjo shkakton çlirimin e lëngjeve gastrike të cilat mund të provokojnë aromën e rënduar të frymës.

Majdanoz
Nëse gjendeni papritur në një situatë të tillë, provoni të përtypni disa gjethe të vogla majdanozi. Do t’ju kalojë për pak minuta.

Mente
Nëse doni të kontestoni shfaqjen e kësaj arome, përgatisni një çaj mesteje, shkruan Anabel. Do t’ju ndihmojë të ruani një frymëmarrje të freskët gjatë gjithë ditës.

Fruta kardamomi
Sigurisht nuk mund të mbajmë furçën me vete gjatë ditës, por mund të mbani fruta të kardamomit. Mbajini për 15 minuta në gojë si të ishin karamele, për një frymë të freskët.

Sherbelë
Edhe gjethet e sherbelës mund të përdoren për të njëjtin qëllim.

Vitamina C
Ushqimi është më i rëndësishmi. Përpiquni të konsumoni ushqime të pasura me vitaminë C për të patur gjithmonë një frymë të freskët dhe pa aroma të këqija. /Telegrafi/