Kosova prezantohet me sukses, për herë të parë, në mjekësinë botërore nga Kirurgjia Vaskulare
Këtyre ditëve, Dr. Valbon Gashi, kirurg vaskular, ka prezantuar Kosovën dhe kirurgjinë vaskulare kosovare në një ndër kongreset më të mëdha botërore të kësaj lëmie “Charing Cross 2015”, në Londër.
Prezantimi i rastit, "A 7-year postoperative outcome after reconstruction of popliteal artery with deep vein in infant-case report " (7 vite nga gjendja postoperative tek foshnja mbas rekonstruksionit të arteries popliteale duke e shfrytëzuar venën e thellë), zgjoi një interesim të mahnitshëm dhe u vlerësua si njëri nga rastet më interesante të prezantuara.
Në të vërtetë, ngjarja është shumë tragjike dhe fillon në një udhëtim me autobus në muajin maj 2008, ku një nënë mbante në prehër fëmijën e saj 16-muajsh. Papritmas, një plumb i rastësishëm godet këmbën e foshnjës dhe e lëndon atë rëndë, këput arterien kryesore që furnizon me gjak, respektivisht pjesën e këmbës nën gju.
Teknika kirurgjike të cilën Dr. Gashi e ka përdorur për ta sanuar lëndimin e arteries, është ndoshta një teknikë e veçantë, e cila nuk është shënuar deri më tani në literaturën botërore.
Këmba e fëmijës u shpëtua fal kësaj teknike dhe ai fëmijë, tash gëzon moshën 8 vjeçare. Kënaqësia e doktorit për këtë sukses nuk mund të përshkruhet.
Në anën tjetër, komentet pozitive dhe përkrahja e kësaj teknike, në konferencën kaq prestigjioze botërore të kirurgjisë vaskulare, e bëjnë edhe një herë shumë të lumtur.
Me këtë u dëshmua se edhe mjekësia kosovare ka kapacitete që të konkurrojë në mjekësinë botërore.
Dr. Valboni, inkurajon kolegët e tij që të mos ngurrojnë në aplikimin e kësaj teknike në rast të ndonjë lëndimi të tillë.
Së shpejti, artikulli në fjalë do të publikohet në ndonjë revistë prestigjioze botërore nga lëmia e Kirurgjisë Vaskulare. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë