Megjithëse acidet yndyrore omega-3 janë shumë të shëndetshme për zemrën, enët e gjakut, sytë, madje ndihmojnë edhe që beli të mbetet i hollë, ato mund t’i ekspozojnë meshkujt ndaj rrezikut të rritur nga kanceri i prostatës.
Acidet yndyrore omega-3 janë të njohura gjerësisht për vetitë e tyre antiinflamatore, duke na mbrojtur nga shumë sëmundje, por tani studiuesit amerikanë kanë zbuluar se meshkujt me nivele të larta të omega-3 në gjak janë për 43 për qind më të ekspozuar ndaj kancerit të prostatës se meshkujt me nivel të ulët të acideve yndyrore omega-3. Gjithashtu, madje 71 për qind janë të ekspozuar ndaj një forme agresive të tumorit të prostatës!
Dallimi në përqendrimin e acideve yndyrore në mes të këtyre dy grupeve korrespondon me më shumë se dy racione të salmonit në javë, shpjeguan ekspertët e qendrës për hulumtime të kancerit Fred Hutchinson në Seattle. Ata arritën në këtë përfundim, pasi që i kishin krahasuar mostrat e gjakut të 840 pacientëve me kancer të prostatës dhe pothuajse 1.400 meshkujve të shëndoshë.
Edhe pse nuk e kishin krejtësisht të qartë se pse acidet yndyrore omega-3 rrisin rrezikun nga kanceri i prostatës, ata spekulojnë se bëhet fjalë për ndonjë mënyrë përmes së cilës trupi i ynë i proceson acidet yndyrore në përbërës që mund t’i dëmtojnë qelizat e ADN-së dhe ta dobësojnë sistemin imunitar, raportojnë mediet.
Acidet yndyrore omega-3 kanë qenë fokusi i shumë studimeve në vitet e kaluara, shumica e të cilave sugjeronin se ato kishin një rrjet të gjerë të përfitimeve shëndetësore, nëse konsumohen si pjesë e një diete të ekuilibruar, transmeton Koha.net. “Prandaj nuk do t’ia rekomandoja asnjë mashkulli që ta ndryshojë dietën e tij për shkak të përfundimit të këtij studimi, por ata mund të bisedojnë me mjekun e tyre nëse janë të shqetësuar në lidhje me kancerin e prostatës”, këshilloi Ian Frame, drejtor i hulumtimeve në Prostate Cancer UK.
Kanceri i prostatës është kanceri më i shpeshtë në Evropë, dhe gjatë jetës, nga kanceri i prostatës preket çdo i gjashti mashkull. /Telegrafi/
Promo
Reklamo këtu
Nga Emona Center
Nga Creative Hub Kosovo
Nga Cinestar
Nga Auto Mita
Lufta Prigozhin - Putin
Më shumë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë