Për gjumë të qetë, jo vetëm ushqim të balancuar, por edhe veprimtari të tjera

Për të pasur një gjumë të qetë, para se të shtriheni, bëni një banjë reklaksuese, bënin ushtrime të lehta, përzgjidhni të lexoni një libër, përzgjidhni dhomën e gjumit, hiqni dorë nga telefoni dhe flini me orar.

Një tjetër praktikë shumë e mirë për të pasur një gjumë të qetë, është të bërit një banjë relaksuese para se të shtriheni. Sigurohuni që uji të mos jetë më shumë se 38 gradë Celsius. Kujdes , jo dush, por vaskë e pse jo edhe vajra qetësues dhe esenca të tjera të cilat i shtohen ujit. Të gjitha këto do të shërbejnë për t’ju qetësuar. Preferoni aromat natyrale të luleve dhe kamomilit.

I thoni jo aktiviteteve si palestra apo ushtrimeve të rënda, të cilat stimulojnë gjendjen e zgjuar të organizmit. Është e gabuar ideja se i lodhuri, fle më shpejt, sepse ngandonjëherë e gjithë lodhja, jep edhe efektin e kundërt, pra ju zgjon trurin. Preferoni më tepër të kryeni ushtrime të lehta si joga, apo pse jo edhe një shëtitje të shkurtër.

Mund edhe të përzgjidhni të lexoni një libër, tri apo katër faqe, gjithmonë duke përzgjedhur edhe librin, edhe mënyrën se si e lexoni atë, ku kujdes të veçantë duhet të zërë drita e leximit.

Dhoma e përzgjedhur për gjumë, është një tjetër element i rëndësishëm për të luftuar pagjumësinë. Kështu nëse dhoma juaj është nga ai krah i rrugës ku dëgjohet zhurmë, atëherë ta harroni gjumin e qetë. Truri juaj duhet të çlodhet e të jetë në qetësi totale, për të arritur të “bjerë në gjumë”.

Hiqni dorë nga mania e të lozurit me telefon nën çarçafë, apo të shihni televizor, janë prej atyre aktiviteteve të cilat nuk ju qetësojnë, përkundrazi.

Në fund farë, fjala kyçe është rregulli, që do të thotë të fjeturit dhe të zgjuarit sistematikisht. Nëse arrini ta bëni këtë për një javë rresht, pra të flini dhe të zgjoheni në një orë të caktuar, atëherë organizmi juaj do të përshtatet me këtë ritëm, i cili do t’ju ndihmojë të jeni të qetë, duke bërë njëkohësisht gjumë të rehatshëm, por edhe të jeni të përpiktë në zgjim. /Telegrafi/