Mosmbajtja e jelekëve, përforcon muskujt

Kelly Brook, Kim Kardashian, Miranda Kerr... janë vetëm disa prej damave që kohëve të fundit nuk mbajnë jelekë.

Deri tani ishte e njohur se jelekët janë shumë të dobishëm, pasi përveç që e ngritin gjoksin, po ashtu për një kohë më të gjatë e mbajnë të fortë dhe ndalojnë dhimbjet në shpinë.

Hulumtimi më i ri ka treguar se nuk është në të vërtetë ashtu. Gjegjësisht, mbajtja e rregullt e jelekëve mund t’i shtojë vetëm problemet e mësipërme.

Siç kanë përfunduar shkencëtarët, mosmbajtja e jelekëve, në fakt nxit përforcimin e muskujve të gjoksit, kështu ato për një kohë të gjatë do të jenë të forta.

“Shumë femra në shtëpi nuk mbajnë jelekë pasi ashtu ndjehen më rehat. Por, kjo është edhe më e shëndetshme. Përveç kësaj, muskujt ngelen më të fortë, ndërsa përmirësohet edhe kualiteti i lëkurës së gjinjve”, shpjegon profesor Roulion, i cili e ka bërë këtë hulumtim.

Të vetëdijshëm se gratë vështirë do të largohen nga jelekët, shkencëtarët kanë ofruar disa këshilla se cilët jelekë janë më të mirë për ju. Ata duhet të jetë të rehatshëm, nuk guxojnë të shtypin ndonjë pjesë të trupit, duhet të jenë në madhësinë e duhur si dhe të jenë të krijuar nga materiali natyral. /Telegrafi/