Sindroma e Down zbulohet që në fetus

Shkencëtarët kanë zbuluar një teknikë të re që arrin të diagnostikojë sindromën Down që në periudhën e fetusit, nëpërmjet një analize në gjak të nënës.

Një fëmijë rezulton me sindromën e Don-it kur ka dy ose tre çifte kromozomesh, 21 më shumë se normalja. Nëpërmjet këtij testi, dalin në dritë edhe probleme të tjera në kromozome siç është sindroma Edward, që shkakton vdekjen te gjysma e fëmijëve që në javën e dytë të jetës si dhe sindromën Patau, që vret më shumë se 80 për qind foshnje.

Skuadra e shkencëtarëve në Standford e ka testuar analizën e re në 18 gra shtatzëna. Testi ka dalë pozitiv për 9 gra, të cilat mbartnin fëmijë më sidromën Down dhe tre gra të tjera fëmijë me sindroma të ndryshme si rezultat i ngatërrimit të kromozomeve.

"Ky është testi i parë për të dalluar sindromën e Down që në fetus" – thanë studiuesit. Mundësia për të evidentuar këtë anomali gjenetike që në fetus bazohet në faktin, se në gjakun e nënave qarkullon edhe një sasi e vogël e gjakut të fetusit.

Analizat që zbatohen sot për të zbuluar këtë anomali mund të shkaktojë edhe aborti. Ndryshe nga analizat e reja, të cilat mund të bëhen që në javën e 5-të të shtatzënisë pa shkaktuar asnjë problem. Sipas studiuesve, testi i ri do të mund të përdoret në mbarë botën brenda 2- 3 viteve. /Telegrafi/