Përmes skanimeve, shkencëtarët në Institutin Kombëtar të Alergjive studiojnë një mostër nga gjaku i tij për të mësuar sesi ai lufton virusin.
Ndërkohë që shumica vdesin shpejt, një përqindje e vogël, më pak se një për qind, njerëzit e infektuar me virusin HIV hyjnë në këtë kategori dhe jetojnë 7 deri në 12 vjet më shumë.
Dr. Anthony Fauci është drejtor i Institutit Kombëtar të Alergjive dhe Sëmundjeve Infektive. Ai thotë se ndoshta tek ky pacient dhe të tjerë si ai gjendet sekreti, e fshehta se si mund të kurohet virusi që shkakton sidën.
"Ne gjetëm një individ të rrallë që prodhonte këtë tip të fuqishëm antitrupi që ishte në gjendjet të neutralizonte ose bllokonte gati 90 për qind apo më shumë të tipave të virusit HIV", thotë ai.
Kjo është Qendra e Kërkimeve të Vaksinës në Institutin Kombëtar të Alergjive dhe Sëmundjeve Infektive. Këtu shkencëtarët zbuluan antitrupat e quajtur VRC01 dhe VRC02 në gjakun e pacientit.
Ata përdorën një teknikë për të hetuar dhe zgjedhur këto qeliza të veçanta të cilat prodhojnë vetëm antitrupa që e pengojnë virusin të përhapet.
Këto imazhe tregojnë strukturën atomike në blu dhe të gjelbër të njërit prej antitrupave të lidhur me virusin HIV, i cili tregohet në ngjyrën gri dhe të kuqe.
Dr. Fauci thotë se faza tjetër mund të jetë të luftimi me antitrupa të klonuar i virusit HIV ose përdorimi i antitrupave për të penguar transmetimin e virusit nga gratë shtatzëna tek foshnjat e porsalindura.
Shkencëtarët thonë se synimi i tyre përfundimtar është krijimi i një vaksine që do ta ndalonte virusin që në fillim.
"2,7 milionë njerëz në mbarë botën infektohen çdo vit. Dy milion njerëz vdesin çdo vit. Kështu që për çdo person që vendosim në terapi, dy deri në tre njerëz infektohen përsëri. Pra duhet të pengojmë infeksionin. Historikisht vaksinat janë rruga më e efektshme për ta bërë këtë", thotë profesori
Ndërkohë që realizimi i një vaksine është ende disa vite larg. /VoA/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit