OBSH: Hiri vullkanik tash për tash nuk është i rrezikshëm për shëndet

Grimcat e hirit nga vullkani islandez Eyjafjallajokull (erupsioni i të cilit filloi të mërkurën e kaluar dhe ende vazhdon) akoma gjenden lartë në atmosfere dhe për këtë arsye nuk janë të dëmshme për shëndetin e evropianëve- ka bërë të ditur Organizata Botërore e Shëndetësisë (OBSH).

Të premten kjo organizatë tha se rretë e hirit mund të jenë shumë të rrezikshme për astmatikët dhe personat me probleme respiratore, mirëpo të martën OBSH ka njoftuar se tash për tash askush nuk është i rrezikuar, përveç islandezëve që jetojnë në afërsi të vullkanit.

OBSH u ka rekomanduar islandezëve të cilët jetojnë në afërsi të vullkanit që të mos dalin jashtë pa maska dhe pa syza, ashtu që të mbrohen nga grimcat e hirit që mund të shkaktojnë irritim të mushkërive dhe syve.

Më të rrezikshme janë grimcat më të imëta të cilat mund të depërtojnë thellë në mushkëri, dhe që aktualisht gjenden në qiellin mbi Evropë.

Lajmi i mirë është se këto grimca gjenden shumë lartë dhe falë kushteve të motit, ato mund të shpërndahen duke mos shkaktuar probleme shëndetësore në Evropë. /Telegrafi/