Çka të vishet për Vitin e Ri…

Pa marrë parasysh se ku do ta kaloni natën më të hareshme të vitit, nuk ka arsye që të mos kujdeseni për pamjen tuaj. Rregullohuni për veten tuaj, jo për të tjerët!

Nata e Vitit të ri është natë e veçantë, nëse edhe ju dëshironi të jeni e veçantë. Tregojuni të tjerëve se jeni vajzë me stil.

Trendi kryesor i pritjes së Vitit të Ri janë materialet vezulluese dhe perishanet. Lejojeni vetes fantazinë, duke filluar nga fustani, këpucët, shalli apo grimi me variant vezullues. Shkëlqeni në mënyrën më të plotë, bëhuni e hareshme, e veçantë dhe e sigurt në vetvete.

Ajo që është përherë në trend, por që është edhe zgjedhje e sigurt për fustanet, është fustani me ngjyrë të zezë. Çfarëdo që të jetë, i gjatë apo i shkurtër, gjithmonë do t’ju “nxjerrë” nga situatat e pakëndshme kur nuk do të jeni e sigurt se cili kombinim është më i miri. Nëse fustani është i thjeshtë, pa detaje, mund ta plotësoni me ndonjë stoli të mirë, me këpucë dhe çantë. Nëse fustani ka ndonjë qëndismë të veçantë, dekolte apo teksturë, mos e teproni me detaje dhe stoli, sepse do të krijoni përshtypjen e një femre pa shije.

Duhet të vëni ndonjë qafore apo vëthë diskret. Bashkë me kombinimin e thjeshtë më së miri është të vëni ndonjë stoli të madhe. Bashkë me kombinime ekstravagante vëni ose vetëm vëthët ose vetëm qaforen.

Bashkë me kombinimet e thjeshta, duhet të vendosni për çanta me perishane, të veshura me argjend apo me ar. Nëse fustani juaj është me perishane apo me lara, duhet të kini çantë njëngjyrëshe, më së miri është ngjyra e zezë.

Rregullojeni frizurën, qiteni parfumin tuaj më të preferuar dhe përgatituni për natën tuaj më të hareshme. Cilido që të jetë kombinimi juaj, më me rëndësi është që ju të ndiheni mirë dhe të argëtoheni sa më mirë. /Telegrafi/