Zyrtare: Android 5.0 L, dy herë më i shpejtë se KitKat

Dje gjatë ditës, Google e ka prezantuar versionin e ri dhe të shumë-pritur të Android, përkatësisht Android 5.0 L, ndërsa ka ofruar edhe Deveoper Preview për versionin e saj të ri për zhvilluesit.

Android 5.0 L sjell një spektër të gjerë të specifikave të reja, duke përfshirë pamjen e re e cila duket krejtësisht ndryshe nga Android 4.4 Kit Kat dhe do të njihet si Material Design (video), ndërsa ofron mbështetje edhe për procesorët me 64-bit.

“Për të parën herë, prej kur ne e kemi lëshuar sistemin operativ Android, ne po ju japim edhe qasje të hershme të një versioni i cili do të dal në treg” thuhet në fjalimin e zyrtarëve të Google.

L Developer Preview, është në dispozicion për zhvilluesit duke filluar prej sot, dhe i njëjti ofron mundësinë e ekslorimit të versionit të ri të Android dhe shumë funksioneve dhe mundësive që ky version do të sjell për përdoruesit.

Mbase kjo risi do të jetë shumë e rëndësishme për zhvilluesit, sepse Android po zgjerohet ndjeshëm, dhe jo vetëm për telefona dhe tabletë. Sipas Google, Android 5.0 L do të ofrojë performancë shumë më të mirë sesa versioni paraprak, me shpejtësi deri në dy herë më të madhe sesa KitKat.

Bashkë me versionin e ri të sistemit të saj operativ, Google ka lansuar edhe sistemin e ri të autentifikimit në Android 5.0, i cili është i dizajnuar ta bëjë pajisjen tuaj Android edhe më të sigurtë dhe më të avancuar me njoftime dhe veglat e reja API, si dhe funksionin Battery Historian. /Telegrafi/