Facebook po e teston aplikacionin e ri për Android

Duke filluar prej sot, Facebook është duke e testuar versionin e ri dhe të ri-dizajnuar të aplikacionit të saj Messenger për sistemin operativ Android, me të cilin rrjeti social synon të sjell specifika të reja, dërgim të përmirësuar të porosive, dhe ndërfaqe të re në aplikacion.

Për momentin, versioni i ri i aplikacionit është në përdorim nga vetëm disa beta testues të Android, të cilët Facebook i ka regjistruar së fundmi.

Versioni i ri i aplikacionit është shumë më elegant dhe modern për nga pamja, dhe dallon shumë nga versioni paraprak. Me versionin e ri do të vërehet qartë se kush është duke e përdorur aplikacionin e ri të Messenger.

Shumë afër kontakteve do të jetë një ikonë e cila do të shfaq të gjitha njoftimet e reja që i merr përdoruesi i aplikacionit.

Së dyti, aplikacioni i lejon përdoruesit tu dërgojnë SMS miqve të tyre të cilët nuk janë duke e përdorur Facebook-un nga Messenger, dhe të rrinë në kontakt me miqtë të cilët nuk e përdorin shërbimin nga telefonat e tyre mobil. / Telegrafi /