Ndërfaqja Ribbon më e mirë edhe deri në 23%

Me paraqitjen e Windows 8 Developer Preview, është shfaqur edhe përdorimi i ndërfaqes ribbon në veglën kryesore të desktopit, Windows Explorer.

Shumë shfrytëzues kundërshtuan për shkak të ndryshimit kaq drastik, edhe pse Microsoft teknologjinë e përmendur e shfaqi para disa viteve në pakon Office. Disa shfrytëzues nuk pëlqyen përdorimin i ribbonit, por shumë të tjerë mendojnë se ndryshimi është i mirë. Nëse pyesim Microsoftin, këta të fundit janë në shumicë, që përputhet edhe me idetë e dizajnerëve të kompanisë.

Për të ardhur deri te sqarimet konkrete përse ribboni është me të vërtetë një mënyrë aq i mirë e zgjidhjes së problemit të ndërfaqes, janë kryer hulumtime në tri aplikacione të cilat e përdorin atë: WordPad, Paint dhe në kohë të fundit në Windows Explorer. Hulumtimi ka treguar se ndërfaqja ribbon është gjithsesi më e shpejtë nga ajo klasike në të tri aplikacionet e përmendura.

Përmirësimi në përvojën e përdorimit është matur me numrin mesatar të hapave që duhen bërë për të ekzekutuar ndonjë veprim. Në WordPad Ribbon përshpejtoi përdorimin për 9%, efikasiteti në Paint u rrit për bukur të lartat 19%, derisa përmirësimi më i mirë i përdorimit është parë pikërisht “në viktimën e fundit të ribonizimit”, Windows Explorer, shfrytëzuesit e të cilit në sistemin e Windows 8 mesatarisht për 23% më shpejtë nga shfrytëzuesit e versionit klasik.

Edhe pse është e qartë se Ribbon përmirëson performancat (e me këtë edhe përvojën e shfrytëzuesit) ende është e dukshme se ai zë më shumë hapësirë në krahasim me menyja klasik me shiritin me vegla, që është nga kritikat e rëndësishme të Windows Explorerit të ri. Fatmirësisht, Ribboni mund të zvogëlohet dukshëm me klikim në njërin tast kështu që shfrytëzimi i ndërfaqes së re mbetet çështje e preferencës së shfrytëzuesit.