Listës së çmimeve të filmit që flet për gratë e përdhunuara gjatë luftës së fundit në Kosovë i është shtuar edhe një tjetër çmim.
“Tri dritare dhe një varje” është kthyer me trofe nga festivali që sivjet ka mbajtur edicionin e pestë. Në “Association Luxembourgeoise de la Presse Cinématographique”, filmi nën regji të Isa Qosjes, i bashkëfinancuar nga Qendra Kinematografike e Kosovës ka marrë çmimin “Critics Award”, që është ndarë për herë të parë nga festivali që sivjet ka zhvilluar edicionin e pestë.
“Association Luxembourgeoise…” ka nisur rrugëtimin më 26 shkurt dhe është përmbyllur të dielën. Me 18 mijë vizitorë në edicionin e vitit 2014, ky festival është shndërruar në një prej ngjarjeve kryesore kinematografike që mbahen në Luksemburg. Vitin e kaluar mysafirë të festivalit ishin emra të njohur të filmit, duke përfshirë Luc Dardenne, Michel Gondry, Clemence Poesy e Jean-Marc Barr.
“Critics Award” është çmimi i dytë që “Tri dritare dhe një varje” ka marrë brenda muajit mars. Javën që shkoi, filmi i Qosjes mori çmimin e filmit më të mirë në Washington. “DC Independent Film Festival” e shpërbleu filmin nga Kosova me çmimin “Best of fest”.
Lajmin për vlerësimin me “Critics Award” e ka bërë publik producenti i filmit “Tri dritare dhe një varje”, Shkumbin Istrefi, nëpërmjet një postimi në rrjetin social “Facebook”.
Në filmin që shtjellon historinë e një mësueseje që trazon fshatin kur deklaron për mediat e huaja se ishte përdhunuar gjatë luftës, rolin kryesor e luan aktorja Irena Cahani. Përveç saj në “Tri dritare…”luajnë edhe Luan Jaha, Aurita Agushi, Donat Qosja. Filmi është mbështetur nga Qendra Kinematografike e Kosovës dhe skenarist ka Zymber Kelmendin. Premiera botërore e këtij filmi u dha më 19 gusht të vitit të kaluar në Festivalin e Sarajevës, ku mori çmimin “Cine Europa”. /koha.net/
Lufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Derisa Serbia viktimizohet në UEFA, huliganët e tyre përleshen masivisht me policinë gjermane
Arsyeja pse Danimarka përfundoi mbi Slloveninë përkundër pikëve dhe golaverazhit të njëjtë
Arrihet marrëveshja: Chelsea transferon sensacionin e Barcelonës
Ishte cilësuar si armë sekrete, droni nënujor i ushtrisë amerikane shfaqet ‘befasisht’ në imazhet e Google Earth
Përvojë e pazakontë, 28-vjeçari nga Çikago iu nënshtrua transplantit të veshkës – gjatë tërë ndërhyrjes kirurgjikale qëndroi i zgjuar
Lajm i mirë për mërgimtarët nga Zvicra dhe Gjermania që planifikojnë të vijnë në Kosovë