Facebook të mbulojë Afrikën me internet jashtë Tokës

Facebook është në një garë - kryesisht me Google - për të bërë gjithë botën me internet. Dhe kur e thonë "të gjithë botën", këto kompani edhe e mendojnë njëjtë, të gjithë botën, secilin prej nesh.

Facebook kohët e fundit njoftoi se ajo kishte një miliard përdorues aktivë në ditë, ndërsa rrjeti social tani po mendon që t’i lidhë edhe të tjerët nga gjithsejt 7 miliardë njerëz, sa janë në botë sot.

Por shumica e njerëzve të cilët nuk janë në Facebook tani besohet se nuk janë në të, sepse ata nuk kanë qasje në internet. Nisma e Facebook e quajtur Internet.org synon t’i lidhë këta njerëz dhe t’ua ofrojë internetin falas.

Për këtë qëllim, organizata po ndjek mjete gjithnjë e më të përpunuara për të siguruar qasje në internet edhe në shtetet në zhvillim.

Në mars, kompania zbuloi një dron gjigant të cilin e ka projektuar për të siguruar shërbime të internetit brezëgjerë në pjesët e largëta të planetit. Të hënën, Facebook zbuloi se është duke i avancuar planet e saj edhe më tej.

Në një partneritet me Eutelsat, kompaninë franceze të satelitëve, Internet.org është duke planifikuar për të nisur një satelit të ri për të siguruar internet nga orbita e Tokës.

Sipas një postimi në Facebook nga Mark Zuckerberg, sateliti do të nisë në vitin 2016, dhe është vendosur aktualisht në "mbulim e internetit në pjesë të mëdha të Afrikës Sub-Sahariane." (Telegrafi)