Nuk ka më mosmarrëveshje mes Google dhe Microsoft rreth patentave

Microsoft dhe Google kanë rënë dakord për t’i tërhequr të gjitha nga 20 paditë për patenta që ishin duke u kontestuar kundër njëri-tjetrit në SHBA dhe Gjermani.

Marrëveshja e arritur gjithashtu përfshin të tërheqjen e akuzave për përdorim të padrejtë të patentave që përfshijnë Motorola Mobility, kompani të cilën Google e ka shitur tek Lenovo vitin e kaluar.

Mosmarrëveshjet e dyanshme që datonin prej vitit 2010, me Microsoft që akuzonte Google se në teknologjinë e saj të patentuar janë përfshirë edhe gjëra që sot janë në sistemin operativ Android.

Microsoft gjithashtu kishte pohuar veçmas se Motorola i ka kërkuar 4 miliard dollarë në vit në emër të patentave për teknologjinë e saj që gjendet në konsolat e Xbox, një sasi që Microsoft tha se ishte në shkelje të detyrimit, dhe se Motorola duhej të ofronte tarifa më të arsyeshme.

Paditë dhe ankesat vazhduan deri në vendimin e fundit në korrik, kur një gjykatë apeli gjeti se Motorola e ka shkelur detyrimin e saj për tarifë të arsyeshme.

Megjithë kompleksitetin e procesit gjyqësor, nuk ka detaje financiare të marrëveshjes. Në vend të kësaj, vetëm një deklaratë të shkurtër e përbashkët u bë publike nga dy kompanitë e mëdha amerikane.

"Google dhe Microsoft kanë rënë dakord të bashkëpunojnë për çështje të caktuara që lidhen me patentat dhe parashikojnë një bashkëpunim edhe në fusha të tjera në të ardhmen me qëllim që përdoruesit e të dyja kompanive të përfitojnë” thuhet në deklaratë. (Telegrafi)