Vetëm tre muaj prezencë në Facebook i kanë mjaftuar lojës “Pishpirik” të fitoj epitetin e lojës më trendi me letra që luhet në këtë rrjet social. Për momentin 160 mijë njerëz luajnë mijëra lojë “Pishpirik” në ditë.
Loja e letrave “Pishpirik” e programuar për tu luajtur në formatin eletronik në Facebook është klasifikuar nga rrjeti më i madh social në botë si kryesuese e listës së lojrave në trend që mund të luhen nga mbi 1 miliard përdorues të Facebook-ut.
Loja “Pishpirik” e krijuar nga ekipi Puntoria, që është pjesë e inkubatorit të Innovation Centre Kosovo (ICK), këtë sukses e ka arritur vetëm brenda tre muajve sa edhe është e pranishme në rrjetin më të madh social në botë.
“Ky sukses na ka motivuar në punën që jemi duke e bërë aktualisht për të avancuar edhe më tej lojën e Pishpirikut si dhe të mendojmë edhe për digjitalizimin e lojërave të tjera tradicionale të letrave që luhen shumë në vendin tonë dhe në përgjithësi në rajon”, tha Floriment Klinaku drejtor ekzekutiv në firmën Puntoria. Duke ju garantuar përmirësim të vazhdueshëm teknik dhe përmbajtjesor të lojës, vizitorëve të Pishpirikut, Klinaku poashtu falenderon drejtuesit e ICK-së për mbështetjen e vazhdueshme që po i jipet Puntorisë. Ekipi Puntoria është pjesë e inkubatorit të Innovation Centre Kosovo që nga shtatori i vitit 2012.
“Pishpiriku produkti i ekipit Puntoria në inkubatorin e ICK-së sot shënon edhe një të arritur duke u renditur në top lojërat me letra në rrjetin social të Facebook-ut”, tha Uranik Begu Drejtor Ekzekutiv i Innovation Centre Kosovo (ICK). Begu shtoi se “duke patur parasysh ndikimin e Facebook-ut që tashmë i ka mbi 1 miliardë përdorues dhe konkurencën globale në këtë platformë ky është një sukses i madh për ekipin e Puntorisë , por edhe vete Innovation Centre Kosovo”.
Pishpiriku është lojë me letra që luhet nga shumica e popujve në Ballkan, ndërsa është poashtu e lehtë për tu mësuar. Qasja në lojën Pishpirik është e thjeshtë dhe gjatë luajtjes së saj mund të bisedohet përmes chat-it me lojtarët e tjerë, të dërgohen dhe pranohen dhurata. Loja Pishpirik ka qenë ide e vjetër e anëtarëve të Puntorisë, të cilët kanë dashur qëlimisht ta lansojnë këtë produkt të parin ngase ai sipas tyre paraqet një lidhje emocionale me lojërat që ata i kanë luajtur në të kaluarën.
Inkubatori i ICK-së i mbështetë ndërmarrësit dhe bizneset përmes mentorimit, konsultimit, trajnimit dhe me qasje në zyra dhe objekte për konferenca. Inkubatori ofron një ambient angazhues për komercializimin e ideve të shëndosha për biznes dhe vizibilitet në treg për ndërmarrjet e reja dhe ato ekzistuese.
Innovation Centre Kosovo është i pajisur tërësisht për zhvillim të ndërmarrësisë dhe biznesit, të fokusuar veçanërisht në teknologjinë e informimit dhe komunikimit (TIK). ICK veçmas shërbimeve të inkubatorit ofron edhe trajnime të ndryshme. Disa nga trajnimet që ofron ICK-ja janë trajnimi për programim në IOS, ueb dizajn, AutoCAD, si dhe për media sociale.
Athene Prosjektledelse nga Norvegjia dhe Shoqata për Teknologjinë e Informacionit dhe Komunikimit (STIKK) në Kosovë, janë themeluesit e ICK-së, ndërsa Crimson Capital LLC Kosovë, është partneri kryesor bashkëpunues. ICK financohet nga Ministria e Punëve të Jashtme e Norvegjisë.
Lufta Prigozhin - Putin
Më shumëÇfarë pritet nga ngjarja e madhe e gjigantit teknologjik Apple?
Përpara ngjarjes së madhe të Apple, bëhet virale reklama e parë indiane e gjigantit teknologjik
Apple zbulon videolojën për Vision Pro që e kthen shtëpinë tuaj në një vend me fantazma
Meta njofton ndryshimet në mënyrën se si WhatsApp dhe Messenger punojnë me shërbimet e mesazheve të palëve të treta
Samsung Galaxy S25 Ultra do të jetë telefoni më i hollë premium
SHBA paralajmëron hakerët rusë: E dimë kush jeni, do t’ju gjejmë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar