Ngjarjet në bursë përcillni me anë të Twitter

Ekspertët e Universitetit Teknik nga München kanë lansuar faqen e internetit e cila në një vend mundëson përcjelljen e gjendjeve në bursat botërore.

Çdo ditë në rrjetin për shoqërim online Twitter ekspertët ekonomik, shitblerësit e aksioneve dhe ekspertë tjerë të ndryshëm të përfshirë në malverzime të bursës publikojnë statuset e porosive të tyre në lidhje me aksione apo kompani të caktuara. Ekipi i Universitetit Teknik ka vendosur të analizojë përmbajtjet e publikuara dhe në bazë të tyre të sjellë parashikimet e veta të bursës.

Sipas analizave të ekspertëve të universitetit në fjalë, porositë në Twitter paraqesin mostra të njëjta si edhe në bursë, mirëpo me një ditë përparësi. Mu për këtë ata kanë ndërtuar edhe faqen e internetit tweettrader.net.

Para lansimit të këtij shërbimi në funksion në Universitetin e Münchenit kanë analizuar rreth 250.000 porosi statusi në Twitter, lidhur me bursat. Po që se ndonjë agjent do të shërbehej me këto të dhëna, mesatarisht ai do të fitonte 15 për qind nga transaksionet e bëra, shtojnë ekspertët. /Telegrafi/

tweettrader.net