Huawei gjeneron rreth 22 miliardë dollarë, për 6 muaj

Huawei Technologies, prodhuesi i dytë më i madh në botë i pajisjeve të telekomit, tha të hënën se do të arrijë rritje të qëndrueshme në vitin 2014, pasi publikoi një rritje prej 19 për qind në të ardhurat e gjysmës së parë gjysmë të vitit, të cilat kanë arritur në 21.88 miliardë dollarë.

Kompania kineze me bazë në Shenzhen gjithashtu tha se pritet të gjenerojë një marzh operativ prej 18.3 për qind në gjashtë muajt e parë të vitit 2014. Kompania nuk dha hollësi të tjera në deklaratën e saj të shkurtër.

"Ndërsa investimet në rrjetet LTE janë rritur në mbarë botën, Huawei e ka forcuar edhe më tej pozicionin e saj udhëheqës në internetin broadband" tha drejtori financiar i Huawei, Cathy Meng në deklaratën e kompanisë.

"Rritja e shpejtë në softuerë dhe në shërbime e ka ndihmuar rritjen e qëndrueshme të biznesit tonë me operatorët mobil" Meng tha se Huawei ka arritur "një rritje të qëndrueshme" edhe në biznesin e saj të konsumit, i cili përfshin prodhimin e telefonave të mençur mobil, në sajë të rritjes së markës së saj, në nivel global. /Telegrafi/