Intel thotë bëhuni gati për tablet prej 100, laptop 249, dhe hibrid prej 349 dollarësh

Shefi ekzekutiv i Intel, Brian Krzanich thotë se ai pret që prodhuesit e ndryshëm të pajisjeve elektronike do t’i shtyjnë edhe më poshtë çmimet e laptopëve dhe tabletëve gjatë javëve të ardhshme, dhe se kjo do të rezultojë në ofrimin e pajisjeve mobile të cilat fillojnë me çmime prej 99 dollarësh për tablet, 299 për laptopë me procesorët e rinj Haswell, dhe 349 për hibridin e tabletëve dhe laptopëve.

Duke folur gjatë një konferencë të industrisë, Krzanich dje u tha analistëve se laptopët e bazuar në ekranet e ndjeshme në prekje të bazuar në procesorët e rinj Haswell do të jenë në fokus të linjës së kompjuterëve të cilët do të debutojnë në treg sivjet.

Intel është duke i rritur pritjet nga procesori i saj i silikonit, Haswell, i cili ofron 50 për qind jetëgjatësi më të madhe të baterisë, e cila do të jetë e kombinuar me grafika dyfish më të fuqishme, karakteristika këto të cilat do të provokojnë blerësit dhe do t’i mbajnë ata larg shpenzimit të parave të tyre në tabletat e bazuara në Android dhe iOS, dhe në vend t’i inkurajojnë ata që t’i japin edhe një shans të dytë pajisjeve të bazuara në sistemet operative që përdoren në kompjuterët personal. / Telegrafi /