Mediat shtetërore kineze në “gjah” kundër Apple

Kinezët nuk bëjnë përjashtim nga pjesa tjetër e tregut global, kur është fjala për besnikërinë ndaj produkteve të famshme të "Apple", si iPhone, iPad apo iMac.

Megjithatë, ndërsa shumica e njerëzve e mbrojnë kompaninë dhe brendin e saj, shteti kinez është vënë në gjah kundër kompanisë më të njohur amerikane, ndaj të cilës ka nisur një fushatë mediale duke e akuzuar gjigantin amerikan të teknologjisë për “arrogancë dhe lakmi”.

Një njërin nga sulmet e fundit, i cili u botua në "Gazetën Zyrtare", organ i Partisë Komuniste, sulmi ndaj Apple mban titullin "Ta shkatërrojmë arrogancën e pashembullt të Apple".

Për më tepër, shteti kinez e ka akuzuar "Apple" edhe për "ndjenjën tradicionale perëndimore të superioritetit" në politikën e saj ndaj Kinës. Dhe njëra prej arsyeve që e ka shtyrë shtetin kinez të sillet në këtë mënyrë, është garancia dy vjeçare që shteti kërkon nga kompanitë e huaja të cilat produktet e tyre I shesin në Kinë, ndërsa Apple bën përjashtim në këtë mes, pasi që për produktet e saj ofron vetëm një vit garancion tek blerësit kinez.

Në një artikull shumë negative ndaj Apple, i cili është i mbushur me fjalë dhe tone nacionaliste, "Apple" është portretizuar si i ndërmarrje e babëzitur, e motivuar në fitim dhe tejet "arrogante".

Përgjigja më e thjeshtë në pyetjen se çka po ndodh në Kinë, me fushatën agresive të shtetit kinez kundër Apple, sipas ekspertëve amerikan është krijimi i mundësive për kompanitë aziatike të cilat duan që t’i imponojnë produktet e tyre tek blerësit, pasi që produktet e Apple shihen si shumë luksoze për tregun kinez. / Telegrafi /