Vit i rëndë për Panasonic

Viti aktual do të jetë, sipas parashikimeve, mjaftë problematik për prodhuesin e njohur japonez të televizorëve dhe pajisjeve tjera elektronike. Në të vërtetë, pritet që Panasonic do ta përfundoj vitin me humbje prej madje 10.2 miliard dollarë, për shkak të tentimeve që të rregulloj biznesin e vet me televizorë.

Një nga problemet më të mëdhenj në Panasonic ishte blerja e konkurrentit Sanyo më 2009 për 3.3 miliard dollarë, e për ristrukturimin e Sanyos Panasonic në tërësi do të shpenzoj 6.7 miliard dollarë.

Humbja e paraparë prapëseprapë nuk do të pengoj Panasonic jo vetëm që të vazhdoj të prodhoj televizorët, DVD planerët, fotoaparatet, kamerat, telefonat dhe pajisjet tjera, por planifikon të investoj edhe në produktet e rinj me të cilat do të tërheq blerësit.

Përndryshe, krahas Panasonicut edhe prodhuesit tjerë japonez të televizorëve dhe elektronik janë duke raportuar humbje – Sony dhe Sharp. Problemi më i madh për ta është konkurrenca nga Korea e Jugut – Samsung dhe LG. Duket se njerëzve shënimi dikur shumë i popullarizuar “Made in Japan” tashmë nuk e ka atë peshë tek njerëzit. /Telegrafi/