Samsung – asgjë nga 3D

Një nga smartphonet me te pritur në kohë të fundit është Galaxy S III nga Samsung. Me kalimin e kohës, po paraqiten gjithnjë e më shumë thashetheme për këtë pajisje. E fundit në vazhdë është se smartphone do të ketë mundësinë e shfaqjes së imazheve 3D.

Thashethemet e fundit, këto për shfaqjen 3D, u demantuan edhe zyrtarisht nga vet Samsung. Në një deklaratë për Engadget, zyrtarët e Samsung kanë thënë: “edhe pse gjatë tërë kohës por hulumtojmë për mënyrat e reja për pajisjet tona mobile, nuk kemi plan që së shpejti të dalim me pajisje me ekran që do të përkrahte teknologjinë 3D”.

Ky zbulim nuk befason duke pasur parasysh se trendi i përdorimit të 3D-së në celularë është në rënie e sipër. HTC dhe LG kanë plasuar pajisje smartphone me mundësi të shfaqjes së pamjeve 3D qysh vitin e kaluar, por pjesa më e madhe e tyre pajtohen se ky ishte një gjest për marketing, në vend të një gjëje që me të vërtetë të ishte e dobishme ose zbavitëse. Këtë vit pajisjet e kompanisë po shiten me ekranet e thjeshtë 2D por me kualitet të lartë.

Pritet të Galaxy S III i Samsung të jetë i pajisur me ekranin Super AMOLED 4.65-inçësh, ndërsa do të duhej të punoj me procesorin katërbërthamësh Exonys. Sipas informatave të fundit, paraqitja mund të ndodhë se do të bëhet me 22 maj në Londës. /Telegrafi/