Samsung ndoshta do ta ndërroj mendjen në lidhje me ICS-in

Reaksionet negative të shumë shfrytëzuesve të pajisjeve të popullarizuara të Samsungut Galaxy S dhe Galaxy Tab kanë bërë që Samsung të rishqyrtoj vendimin e marrë.

Në të vërtetë, Samsung së voni publikoi se cilat nga pajisjet e tija do të marrin mbindërtimin në Androidin e ri, Ice Cream Sandwich. Në mesin e pajisjeve nuk përmendeshin dy pajisjet e lartcekur, për shkak se nuk kishin mjaftë RAM dhe/ose ROM për Ice Cream Sandwich dhe për ndërfaqen TouchWiz të Samsungut.

Tani Samsung po mendon që prapëseprapë të ofroj mbindërtimin i cili do ta ketë një pjesë të ICS-it. Me fjalë të tjera, planifikojnë që të marrin copët nga ICS dhe ti kombinojnë ato me momentalisht aktualin Android 2.3, ashtu që të gjitha së bashku me TouchWiz dhe gjërat tjera nga Samsung të mund të vendosen në pajisje. Nga Ice Cream Sandwich do të marrin multitaskingun, shfletimin më të shpejtë, widgetët e rinj, dhe punën më të mirë të kamerës, që përfshin edhe zvogëlimin e ndjeshmërisë ndaj dridhjeve. /Telegrafi/