IPKO lanson pakot me telefonat e rinj Nokia, HTC dhe Samsung

Sipas njoftimit zyrtar të kompanisë, telefonat e mençur mobil nga Nokia, HTC dhe Samsung tashmë kanë arritur në IPKO.

Modelet e telefonave të mençur si HTC Desire, HTC Desire HD, Nokia C3, Nokia E5, Samsung Galaxy Mini, Corby II dhe të tjerë, tashmë ofrohen edhe për konsumatorët e telefonisë mobile IPKO. Telefonat mobil për të cilët kemi folur shumë, duket se tashmë janë në dispozicin edhe për entuziastët e teknologjisë së fundit.

Përveç telefonave mobil, përdoruesit të cilët parapaguhen në ndonjërën prej pakove me kohëzgjatje prej 3, 6, 12 ose 18 muajsh marrin edhe minuta dhe SMS kombëtar dhe ndërkombëtarë, internet dhe MMS, një numër IPKO dhe një telefon mobil të markës Nokia, HTC apo Samsung, i cili vjen me një pako të caktuar, thuhet në njoftim.

Për më shumë, IPKO thotë se për çdo pako, ajo ofron edhe mundësinë e pagesës deri në 18 këste, duke përdorur opsionet e bankave komerciale në Kosovë.

“Pakot e ofruara janë mundësi e mirë për të gjithë përdoruesit e telefonisë mobile IPKO, të cilët dëshirojnë të posedojnë telefon të avancuar mobil nga Nokia, HTC ose Samsung, si dhe të kenë kontrollë të plotë mbi shpenzimet e tyre. Me secilën pako me parapagim, konsumatorët tanë e balancojnë buxhetin e tyre, dhe në baza mujore marrin minuta dhe SMS kombëtar dhe ndërkombëtar, internet në mobil, MMS si dhe telefonin e preferuar mobil” ka thënë Robert Erzin, Drejtor Ekzekutiv në IPKO.

Konsumatorët të cilët zgjedhin pakon gjashtë mujore Extra 6, për çdo muaj pranojnë 50 MB internet, 50 MMS, 50 minuta dhe 50 SMS të cilët mund t’i shpenzojnë drejt çdo operatori mobil në Kosovë, ndërsa pakon e tyre mund ta kombinojnë me ndonjërin prej modeleve të telefonave Nokia C3, Nokia E5, Samsung Galaxy Mini apo Samsung Corby II, i cili në nivel botëror është lansuar muajin e kaluar, ndërsa Kosova është ndër vendet e para evropiane që e posedon këtë model për shitje.

Ata që zgjedhin pakon një-vjeçare Extra 12, gjithashtu në baza mujore pranojnë nga 50 minuta dhe 50 SMS kombëtar, 50 MMS, dhe 50 MB internet, ndërsa kanë mundësinë e përzgjedhjes së ndonjërit prej modeleve të telefonave të mençur, si HTC Desire, HTC Desire HD apo Samsung Galaxy S Mini.

Ndërsa, konsumatorët që zgjedhin pakon për 18 muaj – Extra 18, në baza mujore pranojnë 100 minuta kombëtar, 100 SMS kombëtar dhe ndërkombëtar, 100 MB internet, dhe 100 MMS, ndërsa atyre iu ofrohet telefoni i avancuar HTC Desire HD, ndërsa të njëjtin mund ta paguajnë për periudhë më të gjatë kohore. / Telegrafi /