BlackBerry Curve me ekran të ndjeshëm?

Seria e telefonave të mençur BlackBerry Curve ndoshta ka qenë njëra ndër linjat e preferuara të përdoruesve të telefonave BlackBerry për shkak të tastierës solide dhe funksionalitetit të plotë të pajisjes, në përgjithësi.

Mirëpo, duket se gjërat për këtë lloj të telefonit të mençur do të ndryshojnë shpejtë, pasi që seria Curve e RIM tashmë me siguri se do të ketë edhe nëj anëtarë të ri në familje, përkatësisht modelin Curve Touch, i cili sipas të gjitha gjasave do të vijë në treg me ekranin e ndjeshëm në prekje.

Të paktën këtë e pohon faqja CrackBerry e cila në vazhdimësi përcjell të gjitha risitë e kësaj kompanie, e cila në këtë rast thotë se Curve Touch do të jetë me ekran të ndjeshëm në prekje, ndërsi ky lloj i telefonit do të jetë i koduar me emrin Malibu.

Sipas CrackBerry, Curve Touch ose Malibu do të paraqitet në treg në fund të këtij viti, ndërsa sa i përket specifikave të këtij modeli, thuhet se i njëjti do të posedojë procesorin 800MHz Qualcomm MSM8655, ekranin HVGA me 3.25 inç, kamerën 5 mega-piksel me HD video. 1GB hapësirë bashkë me kartelën mikroSD, GPS dhe NFC.

Megjithatë, pritet të shihet nëse ky telefon do të dal në treg me specifikat e përshkruara nga CrackBerry, dhe nëse ndodh të jetë kështu, atëherë kjo do të thotë se BalckBerry po ndryshon karakterin e saj, dhe veçantinë për të cilën të gjithë e njohim. / Telegrafi /