Mi kompjuterik i cili i do krevatet

Logitech është munduar që të dizajnojë një mi i cili është i përshtatshëm për punë në tekstil, që e bën këtë produkt ideal për shfrytëzim në krevat, mbështetës apo ndonjë vend po aq të rehatshëm.

Logitech Wireless Mouse M515 do të punojë pa ndonjë pengesë në shtresa të buta siç janë jastëkët, krevatet apo mbulojat, që e bën atë ideal për shfrytëzim së bashku me televizorë. Çdo ditë e më shumë përdorues lidhin kompjuterët e tyre me televizorë të rezolucionit të lartë, por edhe playerët multimedial përherë e më shumë u mundësojnë përdoruesve të lidhin në to tastierën dhe miun. Pikërisht për këtë rol, më së miri do të hyjë në punë ky mi kompjuterik i emëruar M515.

Pos punës precize, M515 është ekonomik me bateri sepse ka një sensor i cili zbulon dorën në mi dhe vetëm atëherë ai aktivizohet. Një sistem i tillë i aktivizimit mundëson kohëzgjatje shumëvjeçare të baterisë. Miu është pa tela dhe vjen me pranuesin e unifikuar miniatural të Logitech në të cilin mund të lidhen edhe tastierat e Logitech.

Logitech M515 pritet që të del në shitje në prill me çmim të rekomanduar të shitjes prej 50 eurosh. /Telegrafi/