Drilon Hyseni
Një paramilitar serb, nga radhët e çetave antinjerëzore, gjatë luftës në Kosovë ka prerë kokën e një shqiptari të vrarë nga Rahoveci dhe pas zierjes në tenxhere, ia heq dhëmbët, e ngjyros dhe nga kafka e tij bënë një llambë tavoline.
“Të njëjtën e ka bërë edhe me një grua të vrarë. Edhe asaj ia ka prerë kokën në të njëjtën mënyrë dhe nga ajo ka bërë një llambë. Ka thënë se tash e ka një çift. Njerëzit normal ishin të tronditur. E dinin këtë të gjithë, edhe komandanti i kompanisë dhe 80 për qind e policëve”, ka shkruar serb e-novine, ka transmetuar Telegrafi.
Ky serb i çmendur ka zgjedhur një formë skizofrene të argëtimit të tij me “kafkat” dekorative, të cilat para kolegëve dhe miqve i ekspozonte si vepra me vlerë arti.
Shpesh tavolina e kriminelit serb, e stolisur me llambat kafkore të shqiptarëve, shërbente si tryezë e rrëfimeve monstruoze, të cilat zor se mund t’i kap njeriu as te filmat e Hiçkokut.
Kur njeriu rastis të lexojë në gazeta rrëfime të tilla, doemos do të bindet se përpjekjet për t’i zbuluar trupat e pajetë të 1730 shqiptarëve të zhdukur, gjatë luftës së fundit në Kosovë, nuk është aspak e lehtë dhe e kapshme.
Nga këto rrëfime të jashtëzakonshme, del se trupat e pagjetur të shqiptarëve, mund të fshihen thellë në tokën e zezë të Serbisë, por nuk përjashtohet mundësia që ato të shërbejnë edhe si dekor nëpër odat e zyrat e kriminelëve ordinerë, të cilët shteti serb i dekoron me mirënjohje, i nderon me ofiqe zyrtare dhe i mbron nga akuzat e Tribunalit të Hagës, për krime lufte kundër njerëzimit.
Nuk është e çuditshme se ndonjë nga këta serbët e çmendur me uniformë, qoftë të policit, qoftë të xhandarit, qoftë të ushtarit, bën roje në zonat kufitare me Kosovën, pikërisht në zonat shqiptare të Luginës së Preshevës.
Nëse këta kriminelë gjatë luftës në Kosovë janë dekoruar e graduar për heroizëm e trimëri në vrasjen e shqiptarëve, nuk do të thotë se as sot nuk do të priviligjohen në mbrojtje të shtetit, tashmë me forma të tjera institucionale të veprimit. Heqja me dhunë e lapidarit, konfiskimi i librave shqip, përdhosja e flamurit, kidnapimi, arrestimi dhe maltretimi i shqiptarëve në Luginë të Preshevës, janë shembulli më i mirë i këtij realiteti të dhimbsur.
Disponimi antishqiptar, i ushqyer gjatë proceseve luftarake nga këta kriminelë serbë, po reflektohet edhe nëpër institucionet shtetërore si në gjyqësi, polici, doganë etj., në të cilat ata janë të punësuar, e nuk e ndalin dorën e dhunës kundër shqiptarëve të Luginës së Preshevës.
Ky mllef antishqiptar i ka rrënjët shumë më të thella sesa kjo e luftës në Kosovë dhe pas saj. Baballarët e këtyre kriminelëve me siguri sa kanë qenë fëmijë u kanë rrëfyer për luftërat ballkanike dhe ato të kohës së Perandorisë Osmane. Të kujtojmë një rrëfim interesant për Çelekullën e Nishit. Dihet mirë se Çelekulla në Nish u ndërtua nga kokat e prera të dhjetëra mijëra njerëzve.
Nëse serbi i çmendur ka dekoruar tavolinën e tij me kafkat e dy shqiptarëve, me të cilat ka kënaqur veten dhe ka dëfryer me dhjetëra bashkëmendimtarë, turqit kanë dekoruar një Kala me mijëra kafka, që kanë dëfryer e njëkohësisht kanë tmerruar mbarë njerëzimin. Të këqijat nuk kanë skaj kurrë.
Mjerë ata që ndërtojnë karrierë e famë mbi fatkeqësinë e njerëzve të pafajshëm!
Lufta Prigozhin - Putin
Më shumëNga Rubrika
Pavarësisht nëse Robert Fico mbijeton dhe rifillon ose jo detyrën, Sllovakia është në situatë të rrezikshme
Lidhja mes ekonomive: Roli katalizator i pagesave ndërkufitare me kosto të ulët në Ballkanin Perëndimor
Riorganizimi i makinerisë së luftës së Putinit, zbulon frikën e tij më të thellë – ngritjen e rivalëve në Kremlin
Anëtarësimi i Kosovës në KiE, Vuçiq thotë se lobi i Knausit dhe britanikët po përpiqen të bëjnë "një truk” tjetër
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
“Lista e blerjeve sekrete” të Bayern Munichut – emrat e shtatë lojtarëve që mund t’i kushtojnë 323 milionë euro
Liverpooli njofton zyrtarisht largimin e dy lojtarëve të preferuar të tifozëve
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë
Ukraina sulmon me dronë luftarak Krimenë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë