Të vdekurit duhet t’i lëmë rehat
Mentalitetin e mbrapshtë të demolimit të varrezave me moton: “Godite njeriun, aty ku i dhemb më së shumti” e kemi trashëgim nga e kaluara e hidhur e ferrit të kuq komunist.
Ata që sado pak e kanë shijuar atë periudhë famëkeqe, s’ka se si të mos i kujtohet “fshesa politike” e spastrimeve etnike në favor të klasës sunduese.
Shqiptarët e serbët, si dy popuj fqinj, jo rrallë u vënë në shënjestër të këtyre dukurive vandale, të cilat lanë vijë e vragë, në shpirtrat e tyre të gjallë e të vdekur.
Janë të freskëta rastet, kur pllakat e varrezave myslimane dhe të krishtera, janë goditur nga njerëz të papërgjegjshëm, të pacipë e psikopat, duke krijuar te shoqëria shqiptaro-serbe: urrejtje, smirë, madje edhe revanshizëm.
Pushteti i asokohe dhe ai i tashmi, kryesit e këtyre veprave vandale nuk i quan patriotë e revolucionarë, por të sëmurë dhe të mitur. Ata shpesh janë dënuar nga drejtësia me pak burg, ngase si të tillë edhe ligji i kursen!
Por, krimi dhe dënimi, shpesh nuk kërkojnë reciprocitet. Thënë më popullorçe: nuk hyn e keqja dhe e mira në një thes!
Veprat e tilla të shëmtuara dhe joqytetëruese, pavarësisht nga gjykimet dhe dënimet, ato lënë një përshtypje të keqe dhe krijojnë një klimë jo të këndshme për marrëdhëniet ndëretnike.
Marsi i para nëntë vjetëve në Kosovë, i përshkuar me përdhosjen e varrezave, djegien e kishave etj., solli një imazh të keq për shqiptarët, të pariparueshëm për një kohë të gjatë.
Një veprim i tillë, nuk kaloi pa jehonë dhe në Luginën e Preshevës. Serbët në shenjë hakmarrjeje vënë në flakë shumë xhami nëpër Serbi. E, historia po na përsëritet.
Heqja e Lapidarit të dëshmorëve të UÇPMB-së, solli një revanshizëm nëpër disa qendra të Kosovës, me karakter multietnik. Pasojat e prishjes së pllakave të varrezave të krishtera i kushtoi jo më pak buxhetit të Kosovës se sa 97 mijë euro dhe burgosjes së disa policëve shqiptarë, të cilët kanë bërë sehir gjatë prishjes së memorialit të partizanëve në Viti.
Diçka e ngjashme ndodhi edhe në fshatin multietnik të Komunës së Bujanocit, në Osllarë. Disa persona anonimë, demoluan disa varreza të shqiptarëve, të cilët nuk e mbajnë në mend në këto anë të kishte ndodhur diçka e tillë.
Varrezat janë një kulturë materiale e shpirtërore e popujve dhe vendeve të ndryshme. Ato nuk preken, ngase konsiderohen të shenjta. Thjesht, për dallim nga përmendoret, lapidarët, memorialët, e pllakat përkujtimore, ato janë private, e prona private gjithkund në botë konsiderohet e shenjtë.
Njerëzit, për më të dashurit e tyre ngritin te varret pllaka me mbishkrime për të vdekurit. E për të vdekurit gjithmonë flitet në superlativ: ka qenë njeri i mirë!
Bota përtej varri, porositë të gjallët: “Njerëz, na lini të qetë!”
Sikur t’u jepej mundësia për të folur, të vdekurit do të kishin thënë se nuk merren me politikë, nuk votojnë në proceset zgjedhore, nuk na pengojnë në jetën politike dhe ekonomike, dhe nuk participojnë në tenderime e afera të tjera korruptive!
Të mjerë, qyqarë dhe injorantë janë ata të cilët mundohen të bëjnë tregti me të vdekurit, duke u munduar t’i ngjallin ata për qëllime e kusuritje politike.
Të vdekurit duhet t’i lëmë rehat, mos t’i trazojmë shpirtrat e tyre, të cilët nuk kanë mundësi t[ na ndihmojnë kur i kemi punët keq. Lavdi!
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Edhe një iu shtua sot - sa shtete e njohin pavarësinë e Palestinës
Xabi Alonso mund të prishë planet e Barcelonës në Ligën e Kampionëve 2024/25
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Barcelona identifikon sulmuesin anësor si objektiv kryesor të verës
Dhjetë aeroportet më të pastra në botë - vetëm një është në Evropë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City