Kur ke nge, shti rruaza në pe
Kërkesa e Stefanoviqt për takim zyrtar me institucionalistët kosovarë u pranua me dashamirësi nga Qeveria e Kosovës. Ky nuk ishte një takim i paraparë më herët, as në harmoni me agjendën e bisedimeve dy palëshe të sponzoruara nga BE-ja, të ashtuquajturat bisedime teknike. Beogradi zyrtar nuk i kushtojë ndonjë rëndësi këtij takimi të pakuptimte, (punë e madhe, edhe po ta merrnin më me seriozitet…). Derisa qeveritarët e Kosovës duke u zbavitur me flamujt e ekspozuar…, larg nga sytë e qytetareve (kujdes tash Wikileaks zbulon fshehtësitë!), po mundoheshin në vazhdimësi të mashtrojnë opinionin se takimi me “çatën” serb ishte i suksesshëm, dhe se ky qenka një hap drejt pranimit të pavarësisë së Kosovës, nga ana e Serbisë. Kanë mbetur shumë gjera të pasqaruara: Ata ose janë të shurdhër dhe nuk dëgjojnë mirë se çka thonë qeveritarët serbë, të cilët kërkojnë publikisht copëtimin e Kosovës (a nuk është kjo ndërhyrje e drejtpërdrejtë në punët e brendshme të Kosovës), ose ata nuk kuptojnë as shqip, as serbisht, njëra është!”
Çështja e ekspozimit të publik të flamujve, jashtë rregullave protokollare ndërshtetërore nuk ka edhe ndonjë rëndësi të veçantë, sipas tyre, ngase flamuri i shqiptarëve valonte shqip edhe në kohën e diktaturës komuniste në ndërtesat e qeverisë kosovare kur Kosova kishte autonominë, biles haptas, pa ndonjë censurim fotografish. Flamuri i kuqërremtë me shkabën dykrenore, ngjyrë zezë, si simbol i shqiptareve, por edhe i Autonomisë se Kosovës, dhe flamuri i Serbisë, njiheshin edhe më herët, publikisht njëri me tjetrin, që në kohën e Titos dhe, ky fakt nuk ishte domethënës, ashtu siç po mundohen ta “bindin” ata opinionin.
Vet vizita ishte mjaft mirë e koordinuar nga Beogradi, mu në ditën e mbajtjes së mbledhjes së KS të OKB-së, për të hyrë edhe një herë çështja e Kosovës në agjendën e KS, me iniciativën e Jeremiqit. Serbia i bëri edhe një goditje interesave kosovare, duke spostuar problemin e të pagjeturve dhe atë të varrezave masive me atë të inskenimit të tregtisë me organe të brendshme, dmth çështja e shfarosjes masive kundër shqiptarëve, e orkestruar nga shteti serb, po bastardohej tërësisht duke krijuar si presedan politik akuzën politike kundër kryeministrit Thaçi, për të zbehur edhe më shume shtetësinë e Kosovës.
Paralajmërimet e mëhershme të Thaçit se do të padisë Dickun për akuza të pabaza si duket ishin vetëm fjalë për marketing të brendshëm, aq më keq që ky premtim nuk u përcoll me ndonjë aksion juridik, ngase edhe mediat zvicerane filluan të bëjnë trysni në qeverinë zvicerane duke publikuar të dhëna të reja nga storia e treguar nga Carlla Del Ponte më herët dhe Dick Marty, tash së fundi.
Qeveria edhe pse e dinte më herët reagimin e qytetarëve, ashtu si struci futi kokën në rërë, dhe nuk çau kokën për paralajmërimet e thëna haptazi nga opozitarët e Vetëvendosjes, as nuk ia prishi rehatinë serbit Stefanoviq, edhe poqese paqja në Kosovë do të lëkundej. Këtë fakt e kanë ditur edhe policët në uniformë, prandaj ata detyrimisht duhet të përgatiteshin më mirë për raste të tilla. Është plotësisht normal eskalimi i situatës kur në demonstrim marrin pjesë me qindra pjesëmarrës, ngase motivet e tyre janë të ndryshme, ndër ta ka pasur njerëz familjarët e të cilëve kanë pësuar rëndë nga lufta. E po mirë u mbajt takimi, u bënë llogaritë e thyerjes së xhamave, u lënduan më tepër se 30 veta dhe cili ishte përfitimi politik i Kosovës? A i kishin parasysh këto fakte Qeveria e Kosovës dhe aparati i saj (kreu politik) policia e Kosovës?
Promo
Reklamo këtuLufta Prigozhin - Putin
Më shumëMetoda ushtarake që ju mëson të bini në gjumë brenda pak minutave
Publikohen pamjet kur avokati Sokol Mëngjesi goditet me dorezë hekuri
Inteligjenca Artificiale parashikon çdo fitues të Topit të Artë deri në vitin 2038
Shkencëtarët besojnë se egjiptianët u përpoqën të shëronin kancerin 4000 vjet më parë
Biznesmeni shqiptar i drejtohet Besit pas ndarjes nga Xhensila: Të pata thënë, më vjen keq por ke shpëtuar një herë e mirë
Hummels shpërthen keq ndaj trajnerit të Dortmundit para finales me Real Madridin
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Publikohen pamjet kur avokati Sokol Mëngjesi goditet me dorezë hekuri
Inteligjenca Artificiale parashikon çdo fitues të Topit të Artë deri në vitin 2038
Metoda ushtarake që ju mëson të bini në gjumë brenda pak minutave
Hummels shpërthen keq ndaj trajnerit të Dortmundit para finales me Real Madridin
Shkencëtarët besojnë se egjiptianët u përpoqën të shëronin kancerin 4000 vjet më parë
Kyle Walker shpjegon pse futbollistët mbulojnë gojën ndërsa flasin mes vete