Formacioni i dështakëve në Serie A (Foto)

Kampionati italian Serie A, do të përfundoj këtë vikend edicionin e sivjetmë 2014-15.

Tanimë pothuajse janë bërë të qarta të gjitha skuadrat, që do të luajnë në Evropë, përveç Napolit dhe Lazios që do ta luajnë ndeshjen e stinorit, ku napolitanët me një fitore kualifikohen për në Ligën e Kampionëve së bashku me Romën dhe Juventusin si kampionë.

Ndërkohë në Ligë të Evropës do të luaj edhe Fiorentina dhe Genoa, ndërsa nga elita kanë rënë Parma, Cesena dhe Cagliari.

Portali i famshëm, goal.com, ka zbuluar edhe formacionin e dështakëve në Serie A për këtë stinor që është afër përfundimit.

Inter dhe Napoli kanë nga tre lojtarë në këtë formacion, ndërsa Roma dhe Fiorentina prezantohen me nga dy.

I vetmi lojtar nga Milani në dështakët e vitit është talenti De Sciglio i cili ka dëshpëruar këtë sezon.

Nga Inter, janë gjermani Lukas Podolski, francezi Yann M’Vila si dhe mbrojtësi Felipe, ndërsa te Napoli janë tre brazilianët, portieri Rafael, mbrojtësi Henrique dhe mesfushori Jorginho.

Roma prezantohet me anglezin Ashley Cole dhe talentin argjentinas Juan Manuel Iturbe nga i cili është pritur shumë¸ndërsa kroati Badelj dhe gjermani Mario Gomez marrin pjesë nga Fiorentina. /Telegrafi/