Fundjavë e nxehtë në futbollin e Kosovës

Federata e Futbollit të Kosovës ka bërë publike terminet e ndeshjeve të javës së 24-të të Raiffeisen Superligës së Kosovës në futboll.

Kjo javë do të jetë tejet e nxehtë pasi do të zhvillohen disa sfida vërtetë interesante të cilat pritet që t’i kënaqin adhuruesit e këtij sporti.

Ndeshja e parë e kësaj jave u luajt në Gjakovë mes Vëllaznimit dhe Dritës dhe përfundoi me rezultat të barabartë,1-1.

Të dielën do të zhvillohen katër ndeshje që janë secila më e fortë se tjetra. Drenica do ta presë Trepçën ’89, që po lufton për titull, teksa edhe Hysi do të ketë punë të vështirë, pasi do të jetë nikoqire e kampionit aktual, Prishtinës.

Dy ndeshjet tjera të së dielës janë më pak interesante ndoshta por gjithsesi edhe në këto ndeshje pritet luftë e madhe për tre pikë. Hajvalia e pret Besën e rënë nga forma, ndërsa Llamkos Kosova do të kërkojë fitore ndaj Trepçës që t’i ikë fundit të tabelës.

Të hënën zhvillohet edhe një ndeshje tjetër, Liria do ta presë Ferronikelin në Gjakovë, por këtu favorit pritet të jenë mysafirët të cilët nuk dinë për humbje gjatë stinorit pranveror.

Java e 24-të e Raiffeisen Superligës:

E diel,14.04.2013: nga ora 15:00
Drenica-Trepça ’89 (SSK1)
Hysi-Prishtina (SSK2)
Hajvalia-Besa
Llamkos Kosova-Trepça

E hënë,15.04.2013, nga ora 15:00
Liria-Ferronikeli

/Telegrafi/