La Liga: Solado dhe Lorente, në sulmin e javës

Roberto Soldado shënoi dy gola dhe bëri edhe një paraqitje për t’u lakmuar, derisa skuadra e tij fitoi 5-1 ndaj Malagas.

Përveç Solados, Valencia kontribuon edhe me dy lojtarë të tjerë në ekipin më të mirë të javës, mbrojtësin Aly Cissoko dhe mesfushorin Dani Parejo.

Barcelona dhe Real Madrid, që të dyja skuadrat ishin në përgatitje të ndeshjeve të Ligës së Kampionëve, dhe nuk dhanë ndonjë spektakël gjatë vikendit.

E ndryshuar shumë, Barcelona, pati nevojë për një gol të vonshëm të shënuar nga Cesc Fabregas për të nxjerrë tre pikë ndaj Levantes, derisa Madrid arriti të shënojë fitore 3-1 ndaj Real Betis në Bernabeu.

Fitore të ngushtë këtë javë fitoi edhe Atletico Madrid, që mposhti 1-0 Sevillan.

Në vazhdim më të mirët e javës në La Liga:

Portier: Ruben (Rayo Vallecano)

Mbrojtës: Alan Hutton (Real Mallorca); David Navarro (Levante); Miranda (Atletico Madrid); Aly Cissokho (Valencia)

Mesfushor: Dani Parejo (Valencia); Mesut Ozil (Real Madrid); Patrick Ebert (Real Valladolid); Joan Verdu (Espanyol)

Sulmues: Roberto Soldado (Valencia); Fernando Llorente (Athletic Bilbao)

Formacioni 4-4-2

Ruben

Hutton – Navarro – Miranda – Cissokho

Parejo – Ozil – Ebert – Verdu

Soldado – Llorente
/Telegrafi/