Liga Premier: Pogrebnyak në mesin e më të mirëve

Pavel Pogrebnyak shënoi hat-trick në fitoren 5-0 të Fulhamit kundër Wolves, dhe arrin të depërtojë në ekipin më të mirë të javës në Ligën Premier.

Pogrebnyak shoqërohet në sulmin e javës nga kapiteni i Arsenalit, Robin Van Persie, i cili ishte më meritori për fitoren 2-1 ndaj Liverpoolit duke shënuar të dy golat për Topçinjtë.

Holandezi shoqërohet në mesin e më të mirëve edhe nga një bashkëlojtar, Backary Sagna, i cili bëri një asistim të shkëlqyeshëm për kapitenin dhe luajti rol të rëndësishëm edhe në mbrojtje.

Dy lojtarë në skuadrën më të mirë të javës ka edhe Manchester United, që fitoi 3-1 ndaj Tottenhamit. Ashley Young ishte lideri i sulmit të Djajve të Kuq, derisa Rio Ferndinand u tregua shtylla e mbrojtjes.

Në vazhdim më të mirët e vikendit në Ligën Premier:

Portier: Paul Robinson (Blackburn Rovers)

Mbrojës: Bacary Sagna (Arsenal); Rio Ferdinand (Manchester United); Gareth McAuley (West Bromwich Albion); John Arne Riise (Fulham)

Mesfushorë: Hatem Ben Arfa (Newcastle United); Gylfi Sigurdsson (Swansea City); Yaya Toure (Manchester City); Ashley Young (Manchester United)

Sulmues: Pavel Pogrebnyak (Fulham); Robin van Persie (Arsenal)

Formacioni 4-4-2

Robinson

Sagna – Ferdinand – McAuley – Riise

Ben Arfa – Sigurdsson – Toure – Young

Pogrebnyak – Van Persie

/Telegrafi/