Shefki Kuqi drejt Newcastle?

Sulmuesi kosovar Shefki Kuqi raportohet se është duke u përcjellë nga drejtuesit e Newcastle United shkruajnë mediat angleze.

Daily Mail shkruan se menaxheri i Newcastle, Alan Pardew, është detyruar të shpjegojë të gjitha mundësitë e mundshme pasi nuk ka mundur të sjellë një sulmues në ditën fundit të transferimeve.

Newcastle ka mangësi në repartin e sulmit pasi shiti Andy Carroll për 35 milionë funte te Liverpooli dhe tashmë është goditur edhe më shumë pas lëndimit të Shola Ameobi në ndeshjen ndaj Fulhamit dhe i cili do të jetë jashtë fushe deri në prill.

Kuqi, 34-vjeçar, aktualisht është lojtar i lirë pasi i ka dhënë fund marrëveshjes së tij me Swansea me pajtim dypalësh dhe është duke u përcjellë nga disa ekipe të ligës së dytë angleze.

Por mundësia e luajtjes për Newcastle do të thotë se ai mund t’i lërë në pritje të gjitha opsionet tjera, derisa Pardew të marrë një vendim.

Sulmuesi kosovar, i cili aktivizohet për kombëtaren e Finlandës nuk do të jetë pjesë e miqësores ndaj Belgjikës. /Telegrafi/