Bashkëpunëtorët: Arbër Xhaferi ishte fanar i shqiptarëve në Maqedoni

Pas vdekjes së Arbër Xhaferit në politikën shqiptare u krijua një boshllëk funksionimi dhe veprimi. Për të prekur këtë segment, Telegrafi ka kontaktuar dy nga bashkëpunëtorët e ngushtë të tij, Adelina Marku dhe Krenar Lloga. Gjithashtu, Telegrafi ka kontaktuar edhe Partinë Demokratike Shqiptare për t’u përgjigjur në pyetjen e njejtë por nuk kemi ende përgjigje zyrtare.

Krenar Lloga, ish kryetar i Forumit Rinor të PDSH-ës në kohën kur Arbër Xhaferi ishte kryetar, thotë se ikja e Arbërit ka lënë një boshllëk në politikën në Maqedoni.’’Është e padiskutueshme se mungesa e Xhaferit la boshllëk në skenën politike dhe intelektuale në Maqedoni, nuk mendoj se dikush do të na flas më shqip se ai, retorika dhe diskursi imponues të shfaqur nga ai, ishin fanar për bashkëmendimtarët dhe kundërshtarët e tij, të cilët në mungesë të një mendimi të kthjellët dhe të thelluar, jo rrallë herë imponuan disonancë politike, që fatkeqësisht pas ikjes së tij mori hov sidomos tek shqiptarët.’’

Më tej Lloga shton ‘’atë që pati Xhaferi dhe nuk e kanë sot liderët në Maqedoni, është se ai dinte gjithëmonë vendin tij, si në politikë ashtu edhe jashta saj, më kujtohet shprehja e tij e përzemërt, se liderët duhet vet ta projektojnë fundin e tyre, sepse kur ndodh t’ua lënë të tjerëve mund të ikin edhe pa nder.’’

Edhe Lloga edhe Marku thonë se Arbër Xhaferi la shumë pasuri të mëdha për politikën në Maqedoni.’’Arbër Xhaferi na la trashigimi dy testamente të çmuara për shqiptarët në përgjithësi dhe për ato të Maqedonisë në veçanti. e para është “Mbrothësia e Përbashkët Shqiptare” si gurëthemel i bashkimit gjithëshqiptarë në Ballkan dhe “Marrëveshjen e Re Politike” si fletëdetyrim për shqiptarët e Maqedonisë dhe udhërrëfyes ekzistencial për maqedonasit,, thotë Lloga. Ndërsa Marku përmend ‘’demokracia konsensuale, demolim të majorizimit, multikulturalizmi funkcional institucional, nacionalizmi progresiv dhe marrëveshjet e reja si risi politike dhe jo tabu ideologjike. Përmes këtyre kodeve ai ndërtoi një kushtetute të re në mendjen e votuesit shqiptar! Ky ishte suksesi i madh i tij!’’
Marku thotë se shoqëria në Maqedoni ishte e paaftë t’a konsumoje dhe t’a përvetësojë diturinë e Arbër Xhaferin dhe se nuk e meritojnë një Arbër të ri. ‘’Jam e mendimit se konteksti i tanishëm i shoqërisë në Maqedoni, pothuajse derrexhemynxyrë, nuk kërkon një Arbër Xhaferi të ri, sepse Arbëri shënoi kulmin e tij në mënyrën e vet dhe krijoi kontekst origjinal që shoqëria në Maqedoni ishte e paaftë t’a konsumoje dhe t’a përvetësojë! Flas këtu edhe për taborin maqedonas! Pra tezat dhe politikat e Arbërit në parim ishin/janë mbi kapacitetin politik numërator të Marrëvshjes se Ohrit!’’

Përndryshe, Arbër Xhaferi vdiq në vitin 2012 ndërsa aktivisht me polikit nuk merrej nga që viti 2007 kur u zavëndesua kryetari aktual Menduh Thaçi.