Vermicë, Dogana zbulojnë mbi 2000 copë fishek

Gjatë fundjavës oficerët doganor në Vërmicë, gjatë një kontrolli kanë zbuluar 2191 copë fishek të kalibrit 7.62 mm.

Dogana gjatë kontrollimit të automjeteve të cilat hynin nga Republika e Shqipërisë, dogana ka selektuar një automjeti të llojit Ford me targa të Republikës së Kosovës i drejtuar nga një shtetas Kosovar.
“Gjatë kontrollimit detal të automjetit të lartpërmendur, janë të fshehur në bagazh, 2191 copë municion të llojeve të ndryshme. 2079 copë fishek te kalibrit 7.62 mm dhe 112 copë fishek për pushkë luftarake M-48”, ka njoftuar zyra për informim e Doganës së Kosovës.

Sipas zyrtarëve të Doganës, personi është arrestuar menjëherë, pas kompletimit të rasti personi i arrestuar si dhe lënda janë dorëzuar te Policia Kufitare për procedim të mëtejmë.

Vlen të theksohet se që nga fillimi i këtij viti oficerët doganor kanë parandaluar 14 raste tentim kontrabandimit të mallrave të ndaluara, respektivisht fishekëve. Sasia totale e zbuluar nga të gjitha këto raste është afro 8500 copë fishek të kalibrave të ndryshëm. /Telegrafi/