“1+24” – edicioni i parë i Festivalit të Fotografisë Artistike “Pimi photography”.

Nesër (e premte), më 2 tetor 2015, në orën 18:00, në Galerinë e Arteve të Vitisë hapet ekspozita “1+24”, edicioni i parë i Festivalit të Fotografisë Artistike “Pimi photography”.

Ekspozita ka karakter homazhi dhe i kushtohet artistit të ndjerë vitias, Shqiprim Hyseni.

Kurator i saj është Fahredin Spahija.

Artistët vijnë nga Shqipëria, Maqedonia, Presheva dhe Gjermania, për t’ju bashkangjitur kolegëve nga Kosova.

Këta janë artistë që po krijojnë historinë moderne të artit fotografik shqiptar.

Shqiprim Hyseni, Alma Idrizi, Arben Llapashtica, Ardian Fezollari, Arton Humolli, Besnik Hamiti, Bleron Çaka, Brigela Demaj, Dali Alili, Dashmir Izairi, Drin Imeri, Eduard Gjino, Eduina Jaupi, Ergys Baki, Fahredin Spahija, Iden Temali, Krenar Halimi, Muhamet Durmishaj, Naim Idrizi, Olsi Qazimi, Osman Demiri, Ramadan Abdiu, Rilind Hoxha, Rozafa Shpuza dhe Shkëlzen Rexha, janë 25 artistët që me punën e tyre tejet të veçantë do të nderojnë publikun artdashës të Kosovës e në veçanti ate të Vitisë.

Ekspozita, në tërësi, është përgatitur dhe do të realizohet nën patronazhin e Kryetarit të Komunës, Sokol Halitit, dhe Drejtorisë për Rini, Kulturë dhe Sport, të drejtuar nga Kaltrina Sylejmani. /Telegrafi/