U17 e KF A&N me sukses jashtë Kosovës, rrëmbejnë trofeun “Menduh Dedja 2019”

Edhe një klub i futbollit që merret me grupmoshat e reja ishte themeluar para dy vjetësh.

Me një iniciativë private, KF A&N mes shumë sakrificash është themeluar në qytetin e Prizrenit, ku merret me grupmoshat e reja.

Ekipi që merret me zbulimin dhe nxjerrjen e talenteve të rinj, tashmë ka nisur të jap sukseset e para edhe jashtë Kosovës.

Së fundi, djelmoshat e deri 17 vjet kanë fituar një trofe të rëndësishëm në qytetin e traditës, Shkodër.

Në fakt, është mbyllur me sukses kupa “Menduh Dedja 2019” e organizuar nga “Shkodra Sport Event”, ku morën pjesë tri skuadra.

Prizrenasit kanë shënuar dy fitore të njëpasnjëshme për të arritur deri tek titulli i kampionit të turneut, i cili ka shënuar këtë vit edicionin e dhjetë.

Klubi që në gjirin e vetë ka lojtar pothuajse të të gjitha qyteteve të Kosovës ka mposhtur në finale bashkëmoshatarët e tyre të skuadrës së famshme shqiptare, Vllzania me rezultat 3-2.

Paraprakisht, A&N triumfoi në ndeshjen e parë kundër skuadrës shkodrane të grupmoshave të reja, Djemnia me rezultat 2-1.

Ndryshe, djelmoshat po udhëhiqen me sukses nga trajneri i njohur, Genc Tamniku, i cili më parë ka drejtuar edhe Lirinë e Prizrenit. /Telegrafi/