Tek gratë, pjelloria rrit rivalitetin

Gratë bëhen pak më "të këqija" ndaj grave të tjera në disa periudha të caktuara të ciklit menstrual, sepse ndiejnë nevojën për t'u mbrojtur nga kundërshtaret në dashuri.

Kjo gjë ndodh kur ato janë pjellore. I shohin të tjerat si një pengesë përballë një mashkulli që duan ta bëjnë për vete. Kjo është vërtetuar nga një studim që është bërë, duke u treguar atyre fotografi të grave të tjera dhe u kanë kërkuar mendim. Asgjë nuk e bëjnë me . vetëdije, por gjykimet e tyre kthehen në "gjykime shtrigash" në ditët kur janë pranë ovulacionit.

Për të treguar këtë konkurrim, një psikologe mori 57 vajza, të cilave u tregoi 35 fotografi modelesh dhe 30 meshkujsh për kontroll. Kur niveli i estrogjenit të vëzhguesve ishte i lartë, siç ndodh në periudhën kur arrin në fazën e ovulacionit, përfshirë ditën e 12 dhe 21 të ciklit, gjykimet e tyre mbi bukurinë e fytyrave të vëzhguara ishin shumë më të ashpra. Ndërsa për fytyrat e meshkujve, nuk u vu re ndonjë tendencë e ngjashme.

Nuk është e qartë se në ç’mënyrë gratë ndihen të ndihmuara duke nxjerrë në pah armët e dashaligëse kundër rivaleve. Mund të jetë që duke nxirë pamjen e të tjerave, pamja e tyre duket më e dëshirueshme, ose kjo mund të jetë një hile për të tërhequr mashkullin drejt bukurisë së tyre dhe duke nxjerrë në pah të metat e rivales. Por është edhe e mundur që pas gjithë këtij meskiniteti femëror, fshihet thjesht një efekt hormonal. /Telegrafi/