Strategjia e re dhe terrorizmi

Presidenti i Shteteve te Bashkuara, Barak Obama, javën e kaluar mbajti një fjalim në Akademinë Ushtarake. Ai prezantoi drejtimet dhe rolin që do t’i jepen vendit në problemet e sigurisë globale dhe politikën e jashtme. Ndërsa midis diskutimeve të ekspertëve pati qëndrime të ndryshme për papërshtatshmërinë e drejtimeve që propozohen dhe rolin global të Amerikës, veçanërisht nga qëndrimi larg dhënies së përgjigjeve kërcënimeve. “Doktrina” sqaron se roli global i Shteteve të Bashkuara do të vazhdojë, por lufta nuk do të jetë i vetmi drejtim.

Ushtria e Shteteve të Bashkuara nuk do të jetë në çdo vend që do të ketë luftë dhe konflikte. Do të kufizohen ndërhyrjet e drejtpërdrejta ushtarake. Financimet e mëdha për luftërat dhe humbjet e jetës së ushtarakëve janë kthyer në qendër të medias. Shpenzimet vjetore të luftës së Afganistanit janë mbi 100 miliardë dollarë. Ndërs,a së bashku me Luftën e Irakut kanë humbur jetën rreth 8 mijë ushtarakë. Obama, duke marrë në konsideratë edhe reagimet antiamerikane që po rriten në botë, deklaroi se vendi i tij do të qëndrojë larg nga konfliktet dhe do të tregojë një profil më të butë. Mendimi kryesor po formatizohet duke vendosur në vend të ndërhyrjeve të drejtpërdrejta ndaj konflikteve, krijimin e aleancave të fuqishme, mbështetje ndaj aleatëve dhe rritje të besimit teknologjik. Obama u tërhoq nga Iraku.

Edhe nga Afganistani po tërhiqet me shpejtësi. Por se zbriti në një nivel që nuk mund të pranohej më parë, kjo s’do të thotë se Amerika u kthye në shtëpi. Sot përjetohen shumë probleme të sigurisë të karakterit asimetrik dhe serioz që kërkojnë aleanca, nga Siria në Libi, nga Afganistani në Ukrainë, nga Mali në Afrikën Qendrore. Po krijohet një klimë e përshtatshme për kërcënimet asimetrike politike, ekonomike dhe shoqërore. Në periudhën e re, operacionet e mbështetura në shërbimet e zbulimit kanë dy qëllime. Humbje sa më të pakta jetësh dhe sukses me sa më pak shpenzime.

Një rrugë tjetër e zvogëlimit të humbjeve do të mbështetet te teknologjia. Ndërsa sistemi më popullor do të jetë përdorimi i avionëve të telekomanduar. Obama bëri publike ndarjen e 5 miliardë dollarëve fonde për aleatët. Shtetet e Bashkuara të Amerikës prej vitit 2006 kanë shpenzuar 2.2 miliardë dollarë për stërvitjen dhe pajisjen e mbështetësve për të rritur kapacitetin e luftës kundër terrorizmit në më shumë se 40 vende. Nuk mund të thuhet se përfundimet ishin shumë të mira. Bota po përballet me shumë probleme të ndërlikuara të sigurisë. Me Rusinë në sfond, po shkohet përsëri në krijimin e dy blloqeve të mëdha ushtarake, kohë e cila do të përmbysë të gjitha raportet aktuale.

(Marrë nga: Shekulli)