Seksi i rastit? Mendoni edhe njëherë!

Seksi i rastit i nevojitet femrës për vlerësimin e “vlerës vetjake në treg”. Kjo është sjellje shumë e rrezikshme, sepse me jetën e tyre në raste të tilla udhëheqin meshkujt, e jo ato vetë.

Në bazë të marrëdhënieve të tilla femra vlerëson se a është partnere e dëshiruar, transmeton Telegrafi. Duke pasur parasysh që femra e cila pranon seksin e rastit nuk ka ndjenjë për vlerat personale, e kërkon atë nëpërmjet seksit me partnerë të ndryshëm. Kështu në të vërtetë kërkon verifikimin e vlerave vetjake tek meshkujt.

Nuk ka asgjë të keqe nëse ndodh, por mos harroni të mbroheni gjithmonë dhe të mos prisni shumë nga kjo “histori”.

1. Mos prisni asgjë. Në të gjitha kuptimet e fjalës asgjë!
Duhet të habitesh nëse në mëngjes dikush e mban mend emrin tënd ose të mban mend ty. Planifiko të telefonosh një taksi për të shkuar në shtëpi ose, nëse ai është në shtëpinë tënde, planifiko që të ikë pa thënë asnjë fjalë. Edhe nëse në kokën tënde ka zëra: Sa mirë ia kaluam, s’mund të mbarojë me kaq! Ky mund të jetë i duhuri”… duhet t’i injorosh sepse ka shumë mundësi që të mos ndodhë asgjë. Deri sa ai të vërë re prezencën tënde dhe të të marrë numrin e telefonit dhe të të kontaktojë e më pas të bëjë plane për t’u takuar me ty sërish, është thjesht një natë seksi.

2. Njihe veten mirë dhe mos e bëj këtë gjë nëse të thyhet zemra kollaj
Nëse je tipi i vajzës që lidhet pas seksit (të gjithë e bëjmë nga pak sepse janë hormonet që çlirohen) nuk duhet ta bësh këtë gjë. Nuk ka absolutisht asgjë të gabuar në këtë reagim, seksi është diçka intime dhe ka kuptim të ndryshëm për njerëz të ndryshëm. Por nëse e di që ti je një njeri i ndjeshëm dhe s’mund ta përballosh, mos mendo se mund të kesh një marrëdhënie të rastësishme dhe në mëngjes nuk do të të interesojë më kur e di që do të të interesojë.
Gjej dikë që mund të jetë i predispozuar të dalë me ty. Kjo do pak durim por është më mirë se të ndihesh keq. Nga ana tjetër, nëse mundesh ta përballosh këtë situatë, respekt!

3. Përdor intuitën!
Mos u fikso me idenë që një djalë është i çuditshëm ose jo interesant vetëm pse të qerasi me një pije. Shanset janë që do të konfirmosh instinktet e tua më pas gjatë mbrëmjes ose do pendohesh në mëngjes. Gjithashtu nuk është gabim të marrësh ndonjë mendim nga miqtë për dikë që të pëlqen, sa për siguri. Nëse do vërtet të mbrohesh, pyete se ku banon dhe thuaji dikujt ose mund ta marrësh në shtëpinë tënde.

4. Mos u ndje në faj!
E vetmja gjë që duhet të të bëjë të ndihesh në faj është një premtim i thyer. Nëse i ke premtuar vetes se nuk do ta bëje më këtë gjë dhe më pas bëhesh tapë dhe bën gabimin, atëherë mund ta quash veten idiote për një ditë, por më pas jeta vazhdon kështu që mos e mbaj mendjen atje.
Kurrë mos u ndje fajtore se nuk ndihesh në faj. Kjo është absolutisht më e keqja. Nëse ke kaluar mirë dhe je kënaqur dhe ditën tjetër ndihesh shumë mirë, atëherë më mirë për ty dhe harro çdo gjë që thonë të tjerët. Sinqerisht nuk është puna e askujt se çfarë bën ti.

5. Nëse ke harruar ndonjëherë të mbrohesh, duhet të kontrollohesh
Mos prisni të ndodhë diçka, por shkoni menjëherë bëni analizat.

6. Nëse je në një marrëdhënie – ndahu me njeriun!
Dhe mundësisht kurseja detajet, në këtë pikë do të lëndosh më shumë egon e tij. /Telegrafi/