Sa më shumë seks do të dukeni aq më të rinj

Personat me jetë aktive seksuale duken sikur janë më të rinj për 7 vjet

Hulumtimi i dr. David Veeksit ka treguar që meshkujt dhe femrat e moshuara që janë aktivë në jetën seksuale, duken më të rinj për pesë e shtatë vjet, në krahasim me moshën reale që kanë.

Ai rekomandon që njerëzit e të gjitha grupeve të moshave duhet të jenë të vetëdijshëm për anët e mira të jetës së shëndetshme seksuale, transmeton Telegrafi.

Psikologët gjatë disa decenieve kanë studiuar mijëra meshkuj dhe femra të të gjitha grupeve të moshave lidhur me jetën e tyre seksuale. Ata të cilët duken më të rinj, në krahasim me moshën reale, kanë pasur mesatarisht 50 për qind më shumë marrëdhënie seksuale.

Gjatë marrëdhënies seksuale lirohet endorfina, që prodhon kimikate natyrale të cilat na bëjnë të ndihemi mirë. Mirëpo kjo njëherësh është edhe sikur një ushtrim fizik i cili përmirëson qarkullimin e gjakut i cili është shumë i rëndësishëm për zemrën, por i jep shkëlqim të shëndetshëm edhe lëkurës. Gjithashtu lirohet edhe hormoni i rritjes, i cili e bën lëkurën më elastike. /Telegrafi/