Ndërprerjet e shpeshta të energjisë elektrike kanë filluar të krijojnë probleme të mëdha për bizneset prodhuese në Kosovë. Përfaqësues të bizneseve kanë treguar për Radion Evropa e Lirë, se reduktimet janë të shpeshta dhe si të tilla kanë filluar të dëmtojnë rëndë veprimtarinë e tyre.
Kompania “Frutex” nga Suhareka, e cila merret me prodhimin e pijeve joalkoolike dhe energjike, është njëra nga kompanitë e cila po ballafaqohet me pasiguri në furnizim të energjisë.
Pronari i kësaj kompanie, Shaqir Palushi, thotë se furnizimi jo i rregullt me energji elektrike, pamundëson zhvillimin e veprimtarisë së tyre. “Natyrisht që problemi me energji elektrike është shumë i madh për kompaninë tonë dhe kompanitë prodhuese. Ky problem është duke e përcjell Kosovën që nga pas lufta, por qe disa vite kishte pasur një stabilizim, po tani ka reduktime të shpeshta dhe e gjithë kjo do ta ngritë edhe koston e prodhimit të produkteve tona”, ka shtuar Palushi.
Ndërprerjet me energji elektrike në kohën kur temperaturat bien dhe konsumi rritet, ishin paralajmëruar edhe nga Distribucioni për Furnizim me Energji Elektrike (KEDS). Ata kanë deklaruar se si pasojë e gjithë kësaj situate të krijuar është shpërthimi që ka ndodhur në termocentralin Kosova A, në muajin qershor.
Punimet në këtë termocentral janë duke vazhduar dhe deri në fund të dhjetorit nuk pritet të përfundojnë.
Zyrtarë të Distribucionit për Furnizim me Energji Elektrike, kanë premtuar se do të bëjnë të pamundurën që të mos ketë ndërprerje të energjisë elektrike.
Në një deklaratë dhënë për Radion Evropa e Lirë, zëdhënësi i KEDS-it Guri Shkodra, ka thënë se ndërprerje me energji elektrike mund të ketë vetëm në rastet kur ka prishje dhe kur pamundësohet realizmi i importit nga vendet prej nga Kosova importon.
Kompania Pestova e cila merret me përpunimin dhe prodhimin e patates, për t’iu ikur problemeve të mungesës së energjisë elektrike kohë më parë kishte ndërtuar një lartëpërçues.
Pronari i kësaj kompanie, Bedri Kosumi , tregon se aktualisht nuk kanë probleme, por që nëse ndërprerjet me energji elektrike ashpërsohen problemet do të jenë të mëdha edhe për kompaninë e tij.
“Duhet ta ndjekim teknologjinë bashkëkohore, atë çfarë e kanë konkurrentët tanë. Teknologjia bashkëkohore në rast se nuk ka furnizim me energji elektrike të rregullt krijohen shumë probleme. Edhe nëse ka zgjidhje alternative, si për shembull gjenerator që e kemi edhe ne në kompani, kjo nuk është zgjidhje”, theksoi Kosumi.
Kosumi ka shtuar se furnizimi jo i rregullt me energji elektrike ngritë koston e produktit, dëmton kualitetin e produktit dhe sjellë shumë probleme tjera.
Ai kërkon nga autoritetet kompetente që të ndërmarrin hapa konkret në përmirësimin e kësaj gjendje, pasi që furnizimi jo i rregullt me energji elektrike, siç thotë Kosumi do të ketë kufizime kyçe për zhvillimin e ekonomisë në Kosovë. “Ata që janë përgjegjës për këtë duhet të mendojnë për problematikat. Nëse donë të kenë zhvillim ekonomik duhet të ketë edhe furnizim të rregullt me energji elektrike”, shprehet ai.
Në raportet e deritashme të organizatave ndërkombëtare për sistemin energjetik të Kosovës, vlerësohet se “një pengesë e madhe në rritjen dhe zhvillimin ekonomik të Kosovës është furnizimi joadekuat dhe jo i besueshëm me energji elektrike”.
Pa ndërtimin e kapaciteteve të reja energjetike, siç është realizimi i projektit të shumëpërfolur Termocentrali “Kosova e re” dhe energjisë alternative, Kosova nuk do të mund të eliminojë problemin me energji elektrike./Rel/Telegrafi/
Lufta Prigozhin - Putin
Më shumëProplus Call Center po vjen edhe në Gjilan!
Ditët me fat kanë mbërritur në Neptun!
Ekzaminime falas për kancerin e gjirit në Albi Mall më 12 dhe 13 tetor
Rënie e dukshme e konsumit të energjisë elektrike në veri të Kosovës pas fillimit të faturimit
Interes i madh – stoku po shteron! Volvo xc90 me zbritje 20,000€ vetëm për pak blerës të mbetur!
FASAL paraqet inovacionet e reja në Global Albanian Gastronomy Festival
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit
Kader Kicaj pjesë e kinematografisë evropiane?
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë
Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur
Xhuli Nura zbulon lidhjen e re: Djaloshi nga Zvicra është më i ri se ajo
Dyshohet se përmban një oqean dy herë më të madh se ai i Tokës, NASA gati të nisë anijen më të madhe kozmike drejt hënës së Jupiterit