Nëse do një lidhje të lumtur bëj vetëm këtë gjë

Bëj seks! Jo, po bëjmë shaka. Në fakt është diçka krejt tjetër dhe që kërkon më pak përpjekje.

Sipas një studimi, të publikuar javën e shkuar në të përditshmen ‘Personal Relationships’, çiftet që qeshin bashkë, qëndrojnë bashkë.

Psikologët e Universitetit të Karolinës së Veriut mbikëqyrën 71 çifte të lidhur prej një kohe të gjatë, me një mesatare prej 5 vitesh bashkë.

Secili person u përgjigj lidhur me cilësitë e partnerit/es së tyre dhe iu kërkuar të ritregonin historinë e takimit të tyre të parë.

Studimi doli në përfundimin se sa më shumë kohë që çiftet kalonin duke qeshur bashkë njëkohësisht përgjatë historisë së tyre, aq më shumë ata e vlerësonin marrëdhënien e tyre në aspektin e cilësisë, afërsisë dhe mbështetjes.

Është shumë e qartë që e qeshura i bën njerëzit edhe më të lumtur, por ajo që ky studim tregon është se e qeshura me partnerin vepron edhe si inkurajim dhe për më tepër ajo mund të jetë shenjë që tregon se ju merreni vesh shumë mirë me njëri-tjetrin.

Të gjithë e dimë se sa e vështirë është të qeshësh dhe përballë të kesh një njeri të ngrysur, mendojeni sikur kjo të ndodhë në lidhjen tuaj!

Sigurisht që do të keni momente kur partneri nuk do të mund të kuptojë arsyen e të qeshurës suaj, shkruan Anabel, por nëse ai qesh bashkë me ju teksa rrëfeni një histori, kjo tregon se sa solide është lidhja juaj.

Mos harroni që e qeshura e bën lidhjen tuaj edhe më të fortë! /Telegrafi/