Në janar lindin bankierët, në maj politikanët

Muaji në të cilin lind fëmija e përcakton profesionin e tij. Ky është përfundimi i një studimi më të ri të Komisionit kombëtar britanik për statistika.

Përveç kësaj, hulumtuesit kanë zbuluar se muaji i lindjes mund të ndikojë edhe në inteligjencë, problemet shëndetësore dhe jetëgjatësi.

Kështu, ata të cilët lindin në pranverë janë më të prirë ndaj sëmundjeve, si astma, autizmi, sëmundja Alzheimer, ndërsa mund të kenë edhe koeficient më të vogël të inteligjencës.

Të shkojmë me radhë:

Njerëzit e lindur në janar, sipas të gjitha gjasave, do të mbledhin borxhet ose do të punojnë në bankë, në shkurt lindin më shumë artistë, ndërsa foshnjat e marsit bëhet pilotë ose muzikantë.

Ata që lindin në prill janë më të rrezikuar nga problemet shëndetësore dhe kanë koeficient më të vogël të inteligjencës, ndërsa në këtë muaj kanë lindur diktatorët, si Adolf Hitler dhe Sadam Hussein.

Nëse keni lindur në maj keni gjasa më të mëdha për karrierë politike, dhe më pak gjasa për t’u marrë me sport. Megjithatë, se çdo rregull ka një lëshim tregon fakti se David Beckham është i lindur në këtë muaj.

Qershori është i rezervuar për shefa dhe drejtorë, por edhe për fitues të çmimeve Nobel. Pesë nga 22 fituesit e fundit të këtij çmimi janë lindur në këtë muaj.

Në korrik kanë të lindur shumica e inxhinierëve ndërtimorë, shoferë dhe artistë. Gushti po ashtu sjell shumë ndërtimtarë, por në këtë muaj janë të lindur edhe presidentët amerikanë, Barack Obama dhe Bill Clinton.

Njerëzit e lindur në shtator pritet të kenë sukses në fushën akademike. Po ashtu, mund të jenë edhe sportistë. Të lindurit në tetor jetojnë më gjatë nga të tjerët, madje 215 ditë më shumë se ata që lindin në mars.

Në nëntor lind numri më i madh i vrasësve serikë dhe skizofrenëve. Ndërsa në muajin e fundit të vitit, në dhjetor, lind numri më i madh i dentistëve dhe njerëzve që merren me predikime fetare. /Telegrafi/