Lidhje të suksesshme kanë çiftet të cilat preken në gjumë

Nëse shtyheni dhe ofroheni në gjumë me partnerin tuaj, keni arsye të jeni të kënaqur. Sa më afër partnerit që të jeni, dhe sa më shumë që do të prekeni gjatë gjumit, do të jeni edhe më të lumtur, tregon një hulumtim i ri.

Nëse shtyheni dhe ofroheni në gjumë me partnerin tuaj, keni arsye të jeni të kënaqur. Sa më afër partnerit që të jeni, dhe sa më shumë që do të prekeni gjatë gjumit, do të jeni edhe më të lumtur, tregon një hulumtim i ri.

Sa do që ndonjëherë mbase do t’ju pengojë afërsia e partnerit në krevat, duhet të jeni të lumtur, sepse kontakti fizik në krevat gjatë gjumit është shenjë e lidhjes së lumtur, transmeton Telegrafi.

Sipas rezultateve të këtij hulumtimi të cilin e ka bërë portali Science Daily, më 15 prill 2014, 86 për qind e të anketuarve të cilët flenë vetëm pak centimetra nga partneri kanë lidhje të harmonishme. Të tillë janë mezi 66 për qind në mesin e atyre që flenë gjumë larg njëri-tjetrit edhe deri në gjysmë metri.

Hulumtimi gjithashtu ka treguar që shtyrja dhe përkëdhelja në gjumë gjithsesi ndikon pozitivisht në lidhje dhe e zbukuron atë. Më të lumtur janë ato çifte të cilët flenë “shpinë për shpine” apo në pozitën “e lugës”, thotë profesor Richard Wiseman, psikolog në Universitetin Hertfordshire.

Mirëpo, faktori më i rëndësishëm të cilin e kanë zbuluar është ndryshimi i shprehive të partnerit gjatë gjumit.

“Nëse një kohë kanë fjetur afër njëri-tjetrit, ndërkaq tani gjithnjë e më shpesh kalojnë periudha të gjata në gjumë larg njëri-tjetrit, kjo mund të jetë shenjë shumë e sigurt që lidhja e tyre është duke u ftohur”, thotë dr. Wiseman. /Telegrafi/